توعجانوۆ قازاقستاندىق ۆاكسينا تۋرالى: قولدا بار التىننىڭ قادىرى جوق
«وتكەندە، كەزدەسۋلەردە « Pfizer قايدا، Pfizer قايدا؟» دەپ ەلدىڭ ءبارى قويمايدى. بۇگىندە QazVac ساپا دەڭگەيى جاعىنان 86-دان 92 پايىزعا دەيىن كەم ەمەس. بۇل - وتە بايىپتى ناتيجە. بۇگىندە بىردە- ءبىر ۆاكسينا مۇنداي دەڭگەيدە ماقتانا المايدى. سوندىقتان دا جۋرناليستەرگە كەزدەسۋ بارىسىندا ءبارىن تۇسىندىردىك. بۇل جايىندا ايتا بەرەتىن بولامىز»، - دەدى ۇكىمەت باسشىسىنىڭ ورىنباسارى ءبىلىم جانە عىلىم مينيسترلىگىنىڭ كەڭەيتىلگەن القا وتىرىسىندا.
وسى رەتتە ۆيتسە- پرەمەر قازاقتىڭ «قولدا بار التىننىڭ قادىرى جوق» دەگەن ماقالىن العا تارتتى. «باسقا ەلدىڭ ۆاكسيناسى كەرەك دەپ قويمايدى. ءوزىمىزدىڭ ۆاكسينا تۋرالى بىرەۋى اۋزىن اشپايدى. ءوزىمىزدى ءوزىمىز ايتپاعاندا كىم ايتادى؟ باسقا مەملەكەتتەر ايتىپ جاتىر. سونىڭ ءبارىن ەسكەرەيىك. مۇنىڭ ءبارىن مۇقيات قاراستىرۋ كەرەك»، - دەدى ەرالى توعجانوۆ.
اۆتور: مارلان جيەمباي