بەيجىڭدە وليمپيادا قالاشىعى رەسمي تۇردە اشىلدى
بەيجىڭدەگى چاويان جانە يانتسين اۋداندارىنداعى كەنتتەردە 3500 گە جۋىق توسەك ورىن قاراستىرىلعان، ال قىتاي استاناسىنان سولتۇستىك- باتىسقا قاراي شامامەن 160 شاقىرىم جەردە ورنالاسقان جانجياكوۋداعى قالاشىق 4-20-اقپان ارالىعىندا وتەتىن ويىندارعا قاتىساتىن كوماندالاردىڭ شامامەن 2800 گە جۋىق سپورتشى مەن رەسمي تۇلعانى قابىلدايدى.
چاويان كەنتىندە نەگىزىنەن كونكيمەن سىرعاناۋ جارىستارىنا قاتىسۋشىلار تۇراتىن بولسا، يانتسيندەگى قالاشىقتا تاۋ شاڭعىشىلارىن قارسى الادى. چجانتسزياكوۋ ايماعىنداعى اۋىلدا شاڭعىشىلار، سنوۋبوردشىلار جانە ترامپليننەن سەكىرۋشىلەر تۇراتىن بولادى. جاپونيانىڭ شايبالى حوككەيدەن ايەلدەر قۇراماسىنىڭ وليمپيادالىق قالاشىققا بەيسەنبى كۇنى تۇستەن كەيىن كەلەتىنى كۇتىلۋدە. سپورتشىلار 3-اقپان كۇنى ۋكەسونگ سپورت ورتالىعىندا وتەتىن العاشقى ويىنىندا شۆەتسيا كومانداسىمەن كەزدەسەدى.
