USD 416.91 EUR 446.47
RUB 7.34 CNY 62.53
جاڭالىقتار

ولگا پەرەپەچينا سەنات ءتوراعاسىنىڭ ورىنباسارى بولىپ سايلاندى

27 قاڭتار 09:43
:ءبولىسۋ
ولگا پەرەپەچينا سەنات ءتوراعاسىنىڭ ورىنباسارى بولىپ سايلاندى

نۇر- سۇلتان. قازاقپارات - بۇگىن ق ر پارلامەنتى سەناتى ءتوراعاسىنىڭ ورىنباسارى بولىپ ولگا پەرەپەچينا سايلاندى، دەپ حابارلايدى قازاقپارات ءتىلشىسى.

«كونستيتۋتسيالىق نورمالارعا سايكەس، پالاتا ءتوراعاسىنىڭ ورىنباسارىنا كانديداتۋرانى سەنات ءتوراعاسى ۇسىنادى. وسى قۇقىقتى پايدالانا وتىرىپ بۇل لاۋازىمعا ولگا ۆالەنتينوۆنا پەرەپەچينانىڭ كانديداتۋراسىن ۇسىنامىن. ولگا ۆالەنتينوۆنانى بارشاڭىز جاقسى بىلەسىزدەر، ءوز ءىسىنىڭ ناعىز مامانى، تاجىريبەلى سەناتور. سوڭعى ءتورت جىلدان استام ۋاقىتتا سەناتتىڭ قارجى جانە بيۋدجەت كوميتەتىن باسقاردى»، - دەدى سەنات ءتوراعاسى ماۋلەن اشىمبايەۆ پالاتانىڭ جالپى وتىرىسىندا.

سەنات رەگلامەنتىنە سايكەس، پالاتا ءتوراعاسىنىڭ ورىنباسارىن سايلاۋ تۋرالى قاۋلى اشىق داۋىس بەرۋ ارقىلى قابىلداندى. دەپۋتاتتار بۇل شەشىمدى ءبىراۋىزدان قولدادى. ايتا كەتەيىك، ق. توقايەۆتىڭ تاعى ءبىر جارلىعىمەن نۇرلان ءابدىروۆتىڭ سەنات دەپۋتاتى رەتىندەگى وكىلەتتىگى توقتاتىلدى.

وسى ورايدا ق ر پرەزيدەنتى قاسىم- جومارت توقايەۆتىڭ جارلىعىمەن نۇرلان ءماجيت ۇلى ءابدىروۆ قر ورتالىق سايلاۋ كوميسسياسىنىڭ ءتوراعاسى لاۋازىمىنا تاعايىندالدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات