USD 424.84 EUR 453.6
RUB 7.3 CNY 63.91
جاڭالىقتار

جامبىل وبلىسىندا تەرروريستىك قاۋىپتىلىكتىڭ «قىزىلعىلت سارى» دەڭگەيى بەلگىلەندى

27 قاڭتار 09:28
:ءبولىسۋ
جامبىل وبلىسىندا تەرروريستىك قاۋىپتىلىكتىڭ «قىزىلعىلت سارى» دەڭگەيى بەلگىلەندى

تاراز. قازاقپارات - جامبىل وبلىسىندا تەرروريستىك قاۋىپتىلىكتىڭ «قىزىل» دەڭگەيى الىنىپ، «قىزعىلت سارى» دەڭگەي بەلگىلەندى، دەپ حابارلايدى قازاقپارات ءتىلشىسى.

جامبىل وبلىستىق تەرروريزمگە قارسى كۇرەس جونىندەگى جەدەل شتابى وبلىستاعى جاعدايدىڭ تۇراقتالعانىن ءمالىم ەتتى.

«2022 -جىلدىڭ 26-قاڭتار ساعات 00.00-دەن باستاپ وبلىستىڭ بارلىق اۋماعىندا تەرروريزمگە قارسى وپەراتسيالار رەجيمى توقتاتىلادى جانە تەرروريستىك قاۋىپتىلىكتىڭ شەكتى («قىزىل») دەڭگەيى الىنادى، وسىعان بايلانىستى بارلىق بلوك- بەكەتتەر ءوز جۇمىسىن اياقتايدى. ءدال وسى ۋاقىتتان باستاپ وبلىستىڭ بارلىق اۋماعىندا تەرروريستىك قاۋىپتىلىكتىڭ جوعارى («قىزعىلت سارى») دەڭگەيى بەلگىلەنەدى. قۇقىق قورعاۋ جانە ارنايى ورگاندار جاپپاي تارتىپسىزدىكتەردىڭ ۇيىمداستىرۋشىلارى مەن قاتىسۋشىلارىن، مەملەكەتتىك مەكەمەلەرگە شابۋىل جاساۋعا جانە قارۋ- جاراقتاردى توناۋعا قاتىسى بار ادامداردى انىقتاۋ بويىنشا جەدەل- ىزدەستىرۋ شارالارىن جالعاستىرۋدا»، - دەلىنگەن شتابتىڭ حابارلاماسىندا.

ايتا كەتەيىك، تەرروريستىك قاۋىپتىلىكتىڭ «قىزعىلت سارى» دەڭگەيىندە قۇقىق قورعاۋ ورگاندارىنا قارۋ- جاراق پەن جارىلعىش زاتتاردى انىقتاۋ ماقساتىندا كولىك قۇرالدارىن تەكسەرىپ، قاراۋعا رۇقسات ەتىلەدى. شەدەل شتاب تۇرعىنداردان زاڭدىلىقتى ساقتاۋدى، ارنايى جانە قۇقىق قورعاۋ ورگاندارىنىڭ جۇمىسىنا تۇسىنىستىكپەن قاراۋدى سۇرادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات