بەيجىڭ وليمپياداسىندا تۋ ۇستاپ شىعاتىن سپورتشىلارىمىزدىڭ كيىمى قالاي تىگىلدى
«ءاربىر دەتالدا وتانىمىزدىڭ ءبىر بولشەگى جاتىر. بەيجىڭ وليمپياداسىنداعى تۋ ۇستاۋشىلارىمىزدىڭ كوستيۋمى - ناعىز ونەر تۋىندىسى! ءاربىر ەلەمەنتتى شەبەرلەر قولمەن ىستەدى. ال بۇعان شابىت بەرگەن اڭىز. جۋىردا ەكاتەرينا ايدوۆا مەن ابزال اجىعاليەۆ بەيجىڭ-2022 اشىلۋ سالتاناتىندا ەلىمىزدىڭ تۋىن الىپ شىعادى» دەپ جازدى كوميتەت Instagram پاراقشاسىندا.
ايتا كەتەيىك، بۇعان دەيىن ۇلتتىق وليمپيادا كوميتەتى 2022 -جىلعى بەيجىڭ ويىندارىنا ارنالعان قازاقستان كومانداسىنىڭ فورماسىن كوپشىلىك نازارىنا ۇسىنعان ەدى. بۇگىندە قىتاي استاناسى بەيجىڭ قالاسىندا وتەتىن XXIV قىسقى وليمپيادا ويىندارىندا ەل نامىسىن قورعايتىن سپورتشىلاردىڭ تولىق قۇرامى بەلگىلى بولدى. اق وليمپيادادا ەل نامىسىن 34 سپورتشى قورعايدى.
قازاقستاندىق سپورتشىلار قىسقى وليمپياداعا 87 جولداما جەڭىپ الدى. وليمپيادا ويىندارى 4 -اقپان كۇنى باستالىپ، 16-اقپاندا مارەسىنە جەتەدى. الدىن الا مالىمەت بويىنشا، بۇل ويىندارعا الەمنىڭ 95 ەلىنەن 4 مىڭنان استام سپورتشى قاتىسادى. وندا 109 مەدال جيىنتىعى ساراپقا سالىنادى.