مۇحتار تىلەۋبەردى پاكىستاننىڭ سىرتقى ىستەر مينيسترىمەن تەلەفون ارقىلى سويلەستى

نۇر- سۇلتان. قازاقپارات - پاكىستان تاراپىنىڭ باستاماسىمەن قازاقستان رەسپۋبليكاسى پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى پاكىستان يسلام رەسپۋبليكاسىنىڭ سىرتقى ىستەر ءمينيسترى ماكدۋم شاح ماحمۋد كۋرەشيمەن تەلەفون ارقىلى سويلەستى، دەپ حابارلايدى ق ر س ءى م باسپا ءسوز قىزمەتى.

سۇحباتتاستار ساياسي، ساۋدا- ەكونوميكالىق جانە گۋمانيتارلىق سالالارداعى ىنتىماقتاستىق ماسەلەلەرى بويىنشا پىكىر الماستى، سونداي- اق ەكى ەلدىڭ حالىقارالىق الاڭدارداعى ءوزارا ءىس- قيمىلىنىڭ پەرسپەكتيۆالارىن تالقىلادى. مينيستر م. تىلەۋبەردى يسلام ىنتىماقتاستىعى ۇيىمىنىڭ سىرتقى ىستەر مينيسترلەرى كەڭەسىنىڭ وتىرىسىنا پاكىستاننىڭ الداعى ءتوراعالىق ەتۋىن قازاقستان تولىعىمەن قولدايتىنىن جەتكىزىپ، اتالعان ءىس- شاراعا ءوزىنىڭ قاتىساتىنىن راستادى.