USD 429.57 EUR 447.35
RUB 6.94 CNY 63.23
جاڭالىقتار

ەرتەڭ قازاقستان قۇراماسى اق وليمپياداعا اتتانادى

26 قاڭتار 17:43
:ءبولىسۋ
ەرتەڭ قازاقستان قۇراماسى اق وليمپياداعا اتتانادى

نۇر-سۇلتان. قازاقپارات - 2022-جىلعى قىتاي استاناسى بەيجىڭ قالاسىندا وتەتىن XXIV قىسقى وليمپيادا ويىندارىنا قازاقستان قۇراماسى ەرتەڭ، ياعني 27- قاڭتار كۇنى اتتانادى، دەپ حابارلايدى قازاقپارات ءتىلشىسى.

قازاقستان ۇلتتىق وليمپيادا كوميتەتى حابارلاعانداي، قازىرگى تاڭدا قازاقستاندىق اتلەتتەر جابىق كارانتين ايماقتارىندا ورنالاسقان. كوماندانىڭ نەگىزگى بولىگى نۇر-سۇلتان مەن الماتى ارقىلى چارتەرلىك رەيسپەن قىتايعا ۇشادى. ال شەتەلدەردە وقۋ-جاتتىعۋ جيىندا جۇرگەن سپورتشىلار جەكە گرافيك بويىنشا بەيجىڭگە سول وزدەرى تۇرعان ەلدەن توتە ۇشىپ بارادى.

ايتا كەتەيىك، اتالعان اق وليمپيادادا ەلىمىزدىڭ نامىسىن 34 سپورتشى قورعايدى. ولار - قىسقى سپورت ويىندارىنىڭ ىشىندە سپورتتىڭ شاڭعى جارىسى، فريستايل-موگۋل، شاڭعى اكروباتيكاسى، تاۋ شاڭعىسى، شاڭعىمەن سەكىرۋ، بياتلون جانە شورت-ترەك تۇرلەرىنەن جۇلدەلى ورىندارعا تالاسادى.

وليمپيادا ويىندارى 4 - اقپان كۇنى باستالىپ، 16 - اقپاندا مارەسىنە جەتەدى.

الدىن الا مالىمەتتەر بويىنشا، بۇل ويىندارعا الەمنىڭ 95 ەلىنەن 4 مىڭنان استام سپورتشى قاتىسادى. وندا 109 مەدال جيىنتىعى ساراپقا سالىنادى.

ەستەرىڭىزگە سالا كەتەيىك، وسىعان دەيىن وليمپيادا ويىندارىنا قاتىساتىن قازاقستان قۇراماسىنىڭ تولىق قۇرامى بەلگىلى بولعانىن جازعان بولاتىنبىز.

اۆتور: كۇنسۇلتان وتارباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات