ەلوردادا ورتالىق ازيادا بۇرىن- سوڭدى بولماعان وپەراتسيا جاسالدى
ەم- دوم جاسالماسا سابيلەر وزدىگىنەن تىنىس الا الماس ەدى. وپەراتسيانى «انا مەن بالا ۇلتتىق عىلىمي ورتالىعىنىڭ» دارىگەرلەرى ماسكەۋلىك ارىپتەستەرىمەن بىرىگىپ جاسادى. جالپى مۇنداي ەم شاراسىن وتاندىق ماماندار ەشكىمنىڭ كومەگىنسىز وزدەرى دە جاسايدى. ءبىراق زاڭ جۇزىندە توسقاۋىل بار.
شىر ەتىپ دۇنيەگە كەلگەن مىنا ءسابيدىڭ استىڭعى جاق سۇيەگى جەتىلمەگەندىكتەن ارنايى قوندىرعىنىڭ كومەگىمەن عانا تىنىس الاتىن. نارەستەنىڭ دەنساۋلىعىن تۇزەۋ ءۇشىن شۇعىل وپەراتسيا جاسالدى. ماماندار ارنايى قۇرىلعىنى شاقالاقتىڭ اۋىز جاعىنا ورناتىپ، جاق سۇيەكتى شامامەن 15 ميلليمەترگە دەيىن ۇزارتتى. ەندى 6-8-ايدان كەيىن سول جەرگە سۇيەك وسەدى. سوسىن ۋاقىتشا تۇرعان قۇرىلعى الىنادى.
رۋسلان، جاق- بەت سۇيەگى حيرۋرگى:
- بۇل قازاقستاندا ءجيى كەزدەسەتىن پاتولوگيا. جاڭادان تۋعان 150 شاقالاقتىڭ ءبىرى وسى دەرتكە شالدىعادى. ارينە ناقتى ستاتيستيكا جوق.
ءبىراق شامامەن بىزدەگى جاعداي وسىنداي. ماسەلەن، قازىر قازاقستاندا وسىنداي پاتولوگياسى بار بالالاردىڭ ءبىرىڭعاي رەەسترىندە 10-عا جۋىق بالا تىزىمدە تۇر. الايدا ولاردىڭ بارلىعىنا بىردەي اق حالاتتىلار كومەك كورسەتە المايدى. وتاندىق مامانداردىڭ ەمدەۋگە بىلىكتىلىگى جەتەدى. قاجەتتى تاجىريبە بار. ءبىراق، زاڭ جۇزىندە وپەراتسيا جاساۋعا رۇقساتى جوق. سەبەبى، بۇل ارەكەت ەلىمىزدىڭ ەمدەۋ حاتتاماسىنا ەنبەگەن. تەك شەتەلدەن مامان شاقىرتىپ، شەبەرلىك ساعاتى اياسىندا عانا ەمدەي الادى.
ماسەلە مۇنىمەن بىتپەيدى. جاق سۇيەككە ۋاقىتشا ورناتىلاتىن قۇرىلعى قازاقستاندا تىركەلمەگەن. ونىڭ بىرەۋىنىڭ باعاسى 3-4 ميلليون تەڭگە تۇرادى.
رۋسلان، جاق- بەت سۇيەگى حيرۋرگى:
- بۇل دەستراكتور قازاقستاندا تىركەلمەگەن. ونى زاڭداستىرۋ ءۇشىن ءبىرشاما ۋاقىت كەتەدى. سەبەبى، قازاقستان رەسپۋبليكاسىنىڭ كلينيكالىق حاتتاماسىندا مۇنداي وپەراتسيالار قاراستىرىلماعان. سايكەسىنشە، قانداي دا ءبىر جاڭا قۇرىلعىنى ساتىپ الۋ نەمەسە تىركەۋ مۇمكىن ەمەس. ءبىزدىڭ ورتالىق باسشىلىعى دەنساۋلىق ساقتاۋ مينيسترلىگىنە وسىمەن 2 جىل قاتارىنان ەمدەۋ حاتتاماسىن قايتا قاراۋعا ءوتىنىم بەرىپ كەلەدى. الايدا ەلدەگى ەپيدەميولوگيالىق جاعدايعا بايلانىستى قايتا قاراۋ ازىرگە مۇمكىن بولماي تۇر.
ا ق ش سىندى دامىعان مەملەكەتتەردە مۇنداي وپەراتسيا نارەستە دۇنيەگە كەلگەننەن كەيىن 7 كۇن ىشىندە جاسالادى. ال ءبىزدىڭ ەلدە 1-ايلىق شاراناعا العاش رەت جاسالىپ وتىر. دارىگەرلەر نەعۇرلىم ەرتەرەك ەمدەسەك، سوعۇرلىم شيپاسى كوبىرەك بولادى، - دەيدى.
سەبەبى، نارەستەنىڭ جاق سۇيەگى جەتىلمەگەندىكتەن ونىڭ تىنىس الۋى قيىندايدى. سالدارىنان ماماندار شارانانىڭ وكپەسىنە اۋا وتكىزەتىن تۇتىكشە سالۋعا ءماجبۇر بولادى. كەيىن ونى الۋ ءۇشىن تاعى دا وپەراتسيا جاسالادى. ال، بىردەن ەمدەسە، تۇتكىشە سالۋدىڭ قاجەتى جوق.
www.24.kz