الماتىدا تەرروريزمگە قارسى وپەراتسيا رەجيمى ەنگىزىلدى

الماتى. قازاقپارات - الماتى قالاسىنىڭ تۇركسىب اۋدانىندا انتيتەررورلىق وپەراتسيا رەجيمى ەنگىزىلدى.

بۇل تۋرالى تەرروريزمگە قارسى كۇرەس جونىندەگى قالالىق جەدەل شتابتان ءمالىم ەتتى، دەپ حابارلايدى قازاقپارات ءتىلشىسى.

«تەرروريزمگە قارسى كۇرەس جونىندەگى قالالىق جەدەل شتاب اعىمداعى جىلدىڭ 26 - قاڭتارىندا ساعات 00.00-دەن 27 - قاڭتار ساعات 00.00-گە دەيىن الماتى قالاسى تۇركسىب اۋدانى اۋماعىندا انتيتەررورلىق وپەراتسيا رەجيمى ەنگىزىلگەنىن حابارلايدى»، - دەلىنگەن مالىمەتتە.

ەسكە سالساق، بيىلعى 4-6 - قاڭتار ارالىعىندا تەرروريزمگە قارسى وپەراتسيالار بارىسىندا الماتىداعى مەملەكەتتىك مەكەمەلەر مەن كوممەرتسيالىق نىساندارعا قاراقشىلىق شابۋىل جاساعان ۇيىمداسقان قىلمىستىق توپتىڭ 5 باسشىسى مەن مۇشەلەرى ۇستالعان ەدى. تۇتقىنداۋ كەزىندە كۇدىكتىلەردەن قارۋ- جاراق («پ م»، «ت ت» ماركالى تاپانشالار، كەسىلگەن شولاق مىلتىق، ولارعا ارنالعان پاتروندار)، ۇنتاق ءتارىزدى زات جانە ەرەكشە ءيىسى بار تابلەتكالار تابىلدى.

«ارنايى جانە قۇقىق قورعاۋ ورگاندارى جاپپاي تارتىپسىزدىكتەرگە قاتىسۋشىلار مەن ۇيىمداستىرۋشىلاردى انىقتاۋ بويىنشا جەدەل- ىزدەستىرۋ وپەراتسيالارىن جالعاستىرۋدا. قۇقىق قورعاۋ ورگاندارىنىڭ جۇمىسىنا تۇسىنىستىكپەن قاراۋدى، ولاردىڭ زاڭدى تالاپتارىن قاتاڭ ساقتاۋدى سۇرايمىز»، - دەپ اتاپ ءوتتى تەرروريزمگە قارسى كۇرەس جونىندەگى الماتى قالالىق جەدەل شتابىنان.

اۆتور: دۋمان ارعىنگەلدى