USD 429.57 EUR 447.35
RUB 6.94 CNY 63.23
جاڭالىقتار

ق ر ەكولوگيا ۆيتسە- ءمينيسترى مەن «ءو ك م وپەراتورى» ج ش س باسشىسى قاماۋعا الىندى

26 قاڭتار 12:43
:ءبولىسۋ
ق ر ەكولوگيا ۆيتسە- ءمينيسترى مەن «ءو ك م وپەراتورى» ج ش س باسشىسى قاماۋعا الىندى

نۇر- سۇلتان. قازاقپارات – ق ر سىبايلاس جەمقورلىققا قارسى ءىس- قيمىل اگەنتتىگى ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى احمەتجان ءپىرىمقۇلوۆ پەن «و ك م وپەراتورى» ج ش س باسقارما ءتوراعاسى مەدەت قۇمارعاليەۆتىڭ ۇستالعانىن راستادى، دەپ حابارلايدى قازاقپارات.

«ولار سىبايلاس جەمقورلىق قىلمىس جاسادى دەگەن كۇدىككە ءىلىندى. ەكەۋى دە نۇر- سۇلتان قالاسىنىڭ ۋاقىتشا ۇستاۋ يزولياتورىنا قامالدى»، - دەدى اگەنتتىكتەن.

ەسكە سالا كەتەيىك، 2022 -جىلعى 11 - قاڭتاردا قازاقستان رەسپۋبليكاسى پارلامەنتى ءماجىلىسىنىڭ وتىرىسىندا سويلەگەن سوزىندە مەملەكەت باسشىسى قاسىم- جومارت توقايەۆ «ءو ك م وپەراتورى» ج ش س- ءنىڭ كادەگە جاراتۋ الىمىن جۇرگىزۋ جانە كادەگە جاراتۋ الىمىنا يەلىك ەتۋىن توقتاتۋ تۋرالى تاپسىرما بەردى. سونىڭ اياسىندا 2022 -جىلعى 18 - قاڭتاردا ق ر ۇكىمەتى «ق ر ەكولوگيا، گەولوگيا جانە تابيعي رەسۋرستار مينيسترلىگىنە ۆەدومستۆولىق باعىنىستى ۇيىمداردىڭ كەيبىر ماسەلەلەرى تۋرالى» قاۋلى قابىلدادى.

وسىعان بايلانىستى وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەرىنىڭ وپەراتورى بولىپ مەملەكەتتىك ۇيىم رەتىندە «جاسىل دامۋ» اكسيونەرلىك قوعامى ايقىندالدى.

اۆتور: مارلان جيەمباي



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات