ەسەنقۇلدىڭ دومبىراسى

نۇر-سۇلتان.قازاقپارات -ەلورداداعى ۇلتتىق مۋزەيدە قازاقستان جازۋشىلار وداعىنىڭ مۇشەسى، تالانتتى اقىن، بەلگىلى ايتىسكەر ەسەنقۇل جاقىپبەكوۆتىڭ دومبىراسى ساقتالعان.
ونى مۇراجايعا «ۇلتتىق مۋزەيگە سىي تارتۋ» اياسىندا ەسەنقۇل اعامىزدىڭ زايىبى مەڭسۇلۋ ناعاشىبەكوۆا تاپسىرعان.
الماتى وبلىسىنىڭ جامبىل اۋدانىندا ومىرگە كەلگەن ەسەنقۇل اعامىز جۇرتشىلىققا ايتىسكەرلىك تالانتىمەن دە كەڭىنەن تانىلدى.
«مەنىڭ داڭقىم ايتىستا قيسىق سويلەپ، جەڭىلۋمەن شىقتى. سويتە ءجۇرىپ ءبىر ءسوزىم بولسا دا ەلدىڭ اۋزىندا قالدى» دەگەن دارىن يەسى وتكەن عاسىردىڭ سەكسەنىنشى جىلداردان باستاپ، اتادان قالعان كيەلى ونەرىمىزدىڭ جاندانۋىنا ۇلەس قوستى. سول جىلدارى رەسپۋبليكالىق ايتىستاردا قونىسباي ءابىل، اسەلحان قالىبەكوۆا، ءاسيا بەركەنوۆا سەكىلدى اقىندارمەن قاتار ءجۇرىپ، ايتقىشتىعىمەن، تاپقىرلىعىمەن حالىقتىڭ ىقىلاسىنا بولەندى. تەلەۆيزيالىق ايتىستىڭ تۇڭعىش جەڭىمپازى بولدى.
ايتۋلى اقىن جازبا پوەزيادا دا ولجا سالىپ، قازاق ولەڭىنە جاڭا لەپ اكەلىپ، «باستاۋ»، «ءبىز ەكەۋمىز»، «اعىمنان جارىلامىن»، «جەرگە تابىن»، «جانقيسسا»، «ەسىل دۇنيە- اي»، «ءبىزدىڭ ەلدىڭ جىگىتتەرى»، «بۇل جاز دا وتەر»، «جەتىسۋ جىرلايدى»، «سارعايعان سارى تەرەزە»، «تاۋ باسىندا كارى قار»، «تازقارا قۇستىڭ تاعدىرى» سەكىلدى جىر جيناقتارى وقىرمان جۇرەگىنەن جول تاپتى. ونىڭ ولەڭدەرىنە جازىلعان اندەردى دە ەل ءسۇيىپ تىڭدايدى.
كوزى تىرىسىنە ونەرىمەن، ولەڭىمەن جۇرتشىلىقتىڭ جىلى ءىلتيپاتىنا بولەنگەن اسىل اقىننىڭ قولىنىڭ تابى قالعان دومبىراسى قۇندى جادىگەرلەر قاتارىندا سانالادى.
ازامات ەسەنجول
egemen.kz
- الماتى- وسكەمەن تاس جولىنداعى قۇبىرلى وتكەلدى شايىپ كەتۋ دەرەگىنە قاتىستى قىزمەتتىك تەكسەرۋ باستادى
- شەكارانى زاڭسىز كەسىپ وتكەن شەتەل ازاماتى ىزدەستىرىلىپ جاتىر
- شىعىس قازاقستاندا جول اپاتىنان 5 ادام كوز جۇمدى
- جاڭادان سالىنىپ جاتقان تالدىقورعان- ءۇشارال جولىن سۋ شايىپ كەتتى
-
شاڭدى داۋىل، جاڭبىر، ۇسىك ءجۇرۋ، ەكپىندى جەل تۇرۋى - 22-مامىرعا جاسالعان كۇن رايىنىڭ بولجامى
-
شىمكەنتتە فۋتبول ماتچى كەزىندە ستاديوننىڭ شاتىرى ۇشىپ، الاڭعا ءتۇستى