USD 425.02 EUR 450.1
RUB 7.17 CNY 63.75
جاڭالىقتار

ەلوردادا كينو مۋزىكاسى ورىندالادى

26 قاڭتار 11:32
:ءبولىسۋ
ەلوردادا كينو مۋزىكاسى ورىندالادى

نۇر-سۇلتان.قازاقپارات -«استانا وپەرانىڭ» باسپا ءسوز قىزمەتى تۇڭعىش رەت «استانا وپەرانىڭ» ۇلكەن ساحناسىندا اقپاننىڭ 1-2 اقپان كۇندەرى تانىمال فيلمدەردەن كوپشىلىك جاقسى كورەتىن شىعارمالار ورىندالادى.

تالانتتى مۋزىكانت ءاليحان يدريسوۆ دايىنداعان «ەكران اۋەندەرى» باعدارلاماسىنا قازاقستاندىق جانە كەڭەستىك كينوكلاسسيكانىڭ ساۋندترەكتەرى، سونداي- اق مۋلتفيلمدەردەن تاماشا اۋەندەر ەنەدى. كورەرمەندەردىڭ زور سۇيىسپەنشىلىگىنە يە بولعان «ەكران اۋەندەرى» بيىل «استانا وپەرانىڭ» ۇلكەن زالىندا كورسەتىلەدى: وعان دەيىن كينومۋزىكا ك. بايسەيىتوۆا اتىنداعى كامەرالىق زالدا ورىندالىپ كەلدى، دەپ حابارلايدى «استانا وپەرانىڭ» باسپا ءسوز قىزمەتى.

- ۇلكەن زالدا كينوكونتسەرت وتكىزۋ تۋرالى باستامامىزدى قولداعاندارى ءۇشىن تەاتر باسشىلىعىنا وتە ريزامىن. سۇيىكتى جارىم جازيرا نۇرجاۋىپوۆانىڭ ارقاسىندا وسى قادامعا بەل بۋدىم. ونىڭ قولداۋىنسىز بۇل كونسەرت بولماس ەدى، - دەپ اتاپ ءوتتى ديريجەر، رەسپۋبليكالىق بايقاۋلاردىڭ لاۋرەاتى ءاليحان يدريسوۆ.

كەڭەستىك كينونىڭ جانكۇيەرى ءارى جوبانىڭ تۇراقتى جەتەكشىسى، مىنە، وسىمەن توعىزىنشى رەت جارقىن باعدارلاما دايىنداۋدا، تانىمال اۋەندەرگە اركەز جاڭا بوياۋلار قوسىپ، ونى جاستاردىڭ كەڭەستىك كلاسسيكتەردى تانيتىنتاي جانە جاقسى كورىپ كەتەتىندەي ەتىپ جاساعىسى كەلەدى.

- ستۋدەنتتىك جىلدار مەن فيلمدەردەگى مۋزىكاعا، ونىڭ كەيىپكەرلەردىڭ مىنەزىن قالاي جەتكىزەتىنىنە، فيلمنىڭ سيۋجەتى مەن ماعىناسىنا دەندەپ كوڭىل اۋدارا باستادىم. اتاقتى كومپوزيتورلاردىڭ فيلمدەرگە ءاندى قالاي جازاتىنى قىزىقتى بولاتىن. مىنە، سول كەزدە كينوكونتسەرت جاساۋ يدەياسى تۋدى، - دەدى ءاليحان يدريسوۆ.

بيىل سوليستەر، قازاقستاننىڭ ەڭبەك سىڭىرگەن قايراتكەرى ەرجان ءداۋىتوۆتىڭ جەتەكشىلىگىمەن كامەرالىق حور جانە «استانا وپەرا» وركەسترى «موي لاسكوۆىي ي نەجنىي زۆەر»، «بەرەگيس اۆتوموبيليا»، «سۆوي سرەدي چۋجيح، چۋجوي سرەدي سۆويح»، «روزىگرىش»، «د’ارتانيان مەن ءۇش نويان» سەكىلدى فيلمدەردەن شىعارمالاردى ورىندايدى. «قىز جىبەك»، «تاقيالى پەرىشتە»، «توعىسقان تاعدىرلار» سىندى وتاندىق فيلمدەردەن، سونداي- اق «برەمەن مۋزىكانتتارى» جانە تاعى باسقا مۋلتفيلمدەردەن كومپوزيتسيالار كوپشىلىك ءۇشىن ۇلكەن توسىنسىي بولماق.

ساحناعا 1- 2-اقپاندا ەكى كەش بويى قازاقستاننىڭ ەڭبەك سىڭىرگەن قايراتكەرى تالعات مۇسابايەۆ، ارداق سابىر، ۇلپان اۋباكىروۆا، ەلتاي مۇستانوۆ، ەرلان مەرەكەنوۆ، ءاليحان زەينوللا، رامزات بالاكيشييەۆ، راسۋل جارماعامبەتوۆ، ەرجان سايپوۆ، باحتيار وماروۆ شىعادى. رۋسلان بايمۋرزين دومبىرادا، دۋمان ورىنعالي ۇلى ترۋبادا جەكە ورىندايدى.

www.24.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات