USD 416.91 EUR 446.47
RUB 7.34 CNY 62.53
جاڭالىقتار

پيتەر گريففيتس قازاقستاننىڭ اۆياتسيالىق اكىمشىلىگى باسشىلىعىنان كەتەدى

26 قاڭتار 11:23
:ءبولىسۋ
پيتەر گريففيتس قازاقستاننىڭ اۆياتسيالىق اكىمشىلىگى باسشىلىعىنان كەتەدى

نۇر- سۇلتان. قازاقپارات - پيتەر گريففيتس «قازاقستاننىڭ اۆياتسيالىق اكىمشىلىگى» ا ق باس ديرەكتورى قىزمەتىنەن كەتەدى.

بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگى ازاماتتىق اۆياتسيا كوميتەتىنەن ءمالىم ەتتى، دەپ حابارلايدى قازاقپارات ءتىلشىسى.

«2021 -جىلعى 7-جەلتوقساندا بەرىلگەن وتىنىشىنە سايكەس 2022 -جىلعى 7-اقپاننان باستاپ پيتەر گريففيتستىڭ «قازاقستاننىڭ اۆياتسيالىق اكىمشىلىگى» ا ق باس ديرەكتورى قىزمەتىندەگى وكىلەتتىگى ءوز ەركىمەن توقتاتىلادى.

پيتەر گريففيتس «قازاقستاننىڭ اۆياتسيالىق اكىمشىلىگى» قۇرىلعاننان بەرى 2 جىلدان استام جۇمىس ىستەدى جانە اۆياتسيالىق رەتتەۋشىنىڭ دامۋىنا ۇلكەن ۇلەس قوستى. ونىڭ باسشىلىعىمەن ازاماتتىق اۆياتسيانى باسقارۋ بويىنشا الدىڭعى قاتارلى ەۋروپالىق مودەلگە سايكەس اۆياتسيالىق اكىمشىلىكتىڭ قالىپتاسۋى ءوتتى. مۇنداي ءتاسىل قازاقستاندا العاش رەت ەنگىزىلدى جانە ت م د ەلدەرى اراسىندا بىرەگەي بولىپ تابىلادى»، - دەپ اتاپ وتەدى كوميتەتتەن.

2022 -جىلعى 7-اقپاننان باستاپ ليندا ورلەدي «قازاقستاننىڭ اۆياتسيالىق اكىمشىلىگى» ا ق باس ديرەكتورى مىندەتىن ۋاقىتشا اتقاراتىن بولادى. ول 2019 -جىلعى جەلتوقساننان باستاپ باس ديرەكتوردىڭ ءبىرىنشى ورىنباسارى، ۇشۋ قاۋىپسىزدىگىنىڭ باستىعى قىزمەتىن اتقارىپ كەلدى. ۆەدومستۆو مالىمەتىنشە. 2021 -جىلعى 2-11 تامىز ارالىعىندا ۇشۋ قاۋىپسىزدىگى بويىنشا ي ك ا و- نىڭ ۇيلەستىرىلگەن ۆاليداتسيالىق ميسسياسى (ICVM) اياسىندا يكاو اۋديتورلارىنىڭ سالانى تاۋەلسىز تەكسەرۋ قورىتىندىلارى بويىنشا قازاقستان ي ك ا و ستاندارتتارىنا سايكەستىكتىڭ ورتاشا الەمدىك دەڭگەيىنەن 15 پايىزعا اسىپ، 84 پايىزعا جەتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات