11:02, 26 - قاڭتار 2022 | GMT +6
ەلىمىزدە ىشكى اۋە رەيستەرى تولىق قالپىنا كەلتىرىلدى
نۇر- سۇلتان. قازاقپارات - قازاقستاندا ىشكى اۋە رەيستەرى تولىق قالپىنا كەلتىرىلدى. بۇل تۋرالى ق ر يندۋستريا جانە ينفراقۇرىلىمدىق مينيسترلىگىنەن ءمالىم ەتتى، دەپ حابارلايدى قازاقپارات.
«ەل اۋماعىندا توتەنشە جاعداي رەجىمىنىڭ الىنىپ تاستالۋىنا بايلانىستى ىشكى اۋە رەيستەرى تولىق قالپىنا كەلتىرىلدى. قازىرگى ۋاقىتتا 57 ىشكى باعىتتا 605 تۇراقتى رەيس ورىندالىپ جاتىر. توتەنشە جاعداي كەزىندە ۇشپاي قالعان اۋە رەيستەرىنىڭ جولاۋشىلارى بيلەت قۇنىن تولىقتاي قايتارىپ نەمەسە ساتىپ العان جەرلەرىنە بارىپ، باسقا كۇندەرگە تەگىن اۋىستىرا الادى. ەلدەگى ەپيدەميولوگيالىق جاعدايعا سايكەس اۋە رەيستەرى قازاقستان رەسپۋبليكاسىنىڭ كولىكتەگى باس مەملەكەتتىك سانيتاريالىق دارىگەرىنىڭ 2022 -جىلعى 13-قاڭتارداعى №3 قاۋلىسىنا سايكەس ورىندالادى»، - دەلىنگەن ۆەدومستۆو اقپاراتىندا.