USD 429.57 EUR 447.35
RUB 6.94 CNY 63.23
جاڭالىقتار

عاسىر ءاجىمى

26 قاڭتار 07:45
:ءبولىسۋ
عاسىر ءاجىمى

نۇر-سۇلتان.قازاقپارات - عاجايىپ سۋرەتكەر جان- انتۋان گۋدوننىڭ ەرەكشەلىگى نەدە ەكەنىن بىلەسىز بە؟ فرانتسۋز ريەۆوليۋتسياسى قايراتكەرلەرىنىڭ پسيحولوگيالىق پورترەتتەرىن جاساعانىندا.

ءبىزدى ەلىكتىرگەن دە وسى مىنەزى. ءوز ءداۋىرىنىڭ كەسكىن- كەلبەتىن قولادان قۇيعان قولونەر شەبەرى ۋاقىتتى اينالىپ ءوتىپ، قۇپيالاردى تالقاندادى.

مىنە، دانىشپان ۆولتەردىڭ ءمۇسىنى. ۇلى فيلوسوف بەينەسىن ءدال جەتكىزگەن ەڭ جاقسى تۋىندى ەسەبىندە كوڭىلدى ەلىتەدى. ۆولتەر ۋاقىتى تاياعانىن سەزسە كەرەك، ءمۇسىنشىنىڭ كەيىپكەرى بولۋعا كەلىسەدى. ول كەزدە اقىل الىبى 84 جاستا ەدى. ءمارمار ءمۇسىن اۆتوردىڭ كيىم مەن تەرىنىڭ كۇردەلى تەكستۋراسىن شەبەر جەتكىزە بىلۋىمەن عانا ەمەس، فيلوسوفتىڭ جىگەرلى مىنەزى مەن وتكىر ويىنا ءدوپ ءتۇسۋ قابىلەتىمەن دە ەرەكشە.

گۋدون ويشىلدىڭ ءمۇسىنىن 1781 -جىلى اياقتادى. II ەكاتەرينانىڭ تاپسىرىسىمەن

2 جىلدان كەيىن تۋىندى رەسەيگە جەتكىزىلەدى.

اۆتور ويشىلدار كونە زاماننان كەلە جاتقان قۇبىلىس دەپ تۇيسىنەدى. سوندىقتان ۆولتەردى انتيكۆارلىق ستيلدەگى كيىممەن بەينەلەگەندى دۇرىس كوردى. وسىلايشا، بوگدە فيلوسوفيالىق بەينەنى جاساۋدى ۇيعاردى. كيىمنىڭ تەرەڭ قاتپارلارىنىڭ استىندا قارت ادامنىڭ ارىقتىعى جاسىرىلادى، سوعان قاراماستان ونىڭ فيگۋراسى سىمباتتى جانە شىنايى اسپەتتەلگەن.

گۋدوننىڭ جۇمساق، جىلتىر ماتانى جاساۋ ءتاسىلى كورەرمەندى ەرىكسىز تاڭداندىردى. كارىلىك ءتىپتى ۇلى ادامداردى دا ايامايدى، سوندىقتان ۆولتەردىڭ سالبىراعان ءجۇزى مەن جىڭىشكە مويىنى تەرەڭ اجىمدەرگە تولى بولدى. بۇل - سول عاسىردىڭ ءاجىمى ەدى. ونىڭ ءالجۋاز قولدارى ءوزى وتىرعان ورىندىقتىڭ ويىلعان تۇستارىن ۇستايدى. كەيىپكەردىڭ كارىلىك مەڭدەگەن كەيپى اۋىر دا مۇڭلى.

وقىرمان الىستان قاراعاندا ويشىل شارشاعانداي اسەر قالدىرادى، ال نەگىزىندە ول ءوز ويىنان ۇزاي الماي وتىر. سىرتقى كورىنىستەن فيزيكالىق كارىلىكتىڭ مانەرلىگى مەن السىزدىگىن بايقاۋعا بولادى. ۆولتەر ءومىرىنىڭ سوڭعى كۇنىنە دەيىن جاس جىگىتكە ءتان تازا كوزقاراس پەن بايسالدىلىعىن ساقتاپ قالدى.

جوعارىدا ايتقانداي، ءمۇسىنشى گۋدون بارلىق تۋىندىسىنا ءتان سيپات بۇل شىعارماسىندا دا بار. ول ۇلى دانىشپاننىڭ پسيحولوگيالىق پورترەتىنىڭ تولىق بەينەسىن جاسادى. قاراڭىزشى، جاراتىلىستى تابيعي ەتۋ ءۇشىن اۆتور ءوزى جۇمىس ىستەگەن كەسكىشتىڭ ءىزىن تەگىستەۋگە تىرىسپاعان.

مۇحتار كۇمىسبەك

egemen.kz


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات