USD 429.57 EUR 447.35
RUB 6.94 CNY 63.23
جاڭالىقتار

قاڭتار وقيعالارىنان كەيىن قانشا ادام قاماۋدان بوساتىلعانى بەلگىلى بولدى

25 قاڭتار 21:43
:ءبولىسۋ
قاڭتار وقيعالارىنان كەيىن قانشا ادام قاماۋدان بوساتىلعانى بەلگىلى بولدى

نۇر-سۇلتان. قازاقپارات - قاڭتار وقيعالارىنا بايلانىستى 9257 اكىمشىلىك ءىس قارالدى.

بۇل تۋرالى بۇگىن ورتالىق كوممۋنيكاتسيالار قىزمەتىندە ق ر باس پروكۋراتۋراسى ءبىرىنشى قىزمەت باسشىسىنىڭ ورىنباسارى ەلدوس قيلىمجانوۆ ءمالىم ەتتى، دەپ حابارلايدى قازاقپارات ءتىلشىسى.

«باس پروكۋراتۋرا ازاماتتاردىڭ كونستيتۋتسيالىق قۇقىقتارىن قورعاۋ جانە قاڭتارداعى وقيعالاردا جاسالعان قىلمىستاردىڭ ءمان-جايلارىن انىقتاۋ جۇمىستارىن جالعاستىرۋدا. ەل پرەزيدەنتىنىڭ اۋىرلاتاتىن ءمان-جايلار بولماعان كەزدە، جازانى جەڭىلدەتۋ جونىندەگى تاپسىرماسىن ورىنداۋ اياسىندا ءتيىستى جۇمىس جۇرگىزىلدى. بۇگىنگى كۇنى سوتتار قاڭتار وقيعالارىنا بايلانىستى 9257 اكىمشىلىك ءىستى قارادى. ولاردىڭ جارتىسىنا جۋىعى ەشقانداي جازا قولدانباي قارالدى - 4584 ادامعا سوت ەسكەرتۋ جاسادى»، - دەدى ە. قيلىمجانوۆ.

ونىڭ ايتۋىنشا، قازىرگى ۋاقىتتا پروكۋرورلاردىڭ وتىنىشتەرى بويىنشا قاماۋعا الۋدان 1149 ادام بوساتىلدى، 577 ءسى بويىنشا ايىپپۇلدار ەسكەرتۋلەرگە اۋىستىرىلدى، 393 ءى اكىمشىلىك ءىس قۇرامى بولماۋىنا بايلانىستى تولىعىمەن توقتاتىلدى.

«وسىلايشا، سوتپەن اكىمشىلىك قاۋماۋعا الىنعان 3314 ادامنىڭ ىشىنەن بۇگىنگى كۇنى تەك 63 ءى قاماۋدا قالعانىنا ەرەكشە نازار اۋدارامىن. بۇل رەتتە پروكۋرورلاردىڭ اكىمشىلىك جازانى جەڭىلدەتۋگە ارنالعان تاعى 13 ءوتىنىش حاتى سوتتاردا قارالۋدا»، - دەدى ەلدوس قيلىمجانوۆ.

«جالپى، بيىلدىڭ 25- قاڭتارىنداعى جاعداي بويىنشا جەدەل-تەرگەۋ توپتارىنىڭ وندىرىسىندە 2044 قىلمىستىق ءىس بار. وسى ىستەر بويىنشا 898 كۇدىكتى ۇستالعان. ولاردىڭ ىشىنەن 802 ءسى سوتتىڭ سانكسياسىمەن قاماۋعا الىندى، 50 ىنە ءۇي قاماعى، ال 21 ادامعا كەپىل، 12 ىنە ەشقايدا كەتپەۋ قولحاتى تاعايىندالدى. 13 ءى بويىنشا بۇلتارتپاۋ شاراسى تۋرالى ماسەلە قارالۋدا»، - دەدى باس پروكۋراتۋرا وكىلى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات