مينيسترلىك تارتىپسىزدىك كەزىندە قوزعالعان قىلمىستىق ىستەر تۋرالى تۇسىنىك بەردى

نۇر-سۇلتان. قازاقپارات - بۇگىن ورتالىق كوممۋنيكاتسيالار قىزمەتىندە ق ر ءى ءى م تەرگەۋ دەپارتامەنتىنىڭ باستىعى سانجار ءادىلوۆ ەلىمىزدەگى تارتىپسىزدىك كەزىندە قوزعالعان قىلمىستىق ىستەر تۋرالى ايتىپ بەردى، دەپ حابارلايدى قازاقپارات ءتىلشىسى.

«تارتىپسىزدىك بارىسىندا 7 اڭشىلار دۇكەنىنە شابۋىل جاسالىپ، تونالدى. ولاردان 1564 ازاماتتىق قارۋ ۇرلاندى»، - دەدى س. ءادىلوۆ.

ونىڭ ايتۋىنشا، مەملەكەت باسشىسى لاڭكەستىك اكتىلەر سەبەپتەرىن جانە ۇيىمداستىرۋشىلارىن انىقتاۋ بويىنشا تەرگەۋدى باس پروكۋراتۋراعا تاپسىردى. وسىعان بايلانىستى، اتالعان ساناتتاعى جانە ونىمەن بايلانىستى بارلىق قىلمىستىق ىستەر ارنايى پروكۋرورلار باسشىلىق ەتەتىن ۆەدومستۆوارالىق جەدەل-تەرگەۋ توپتارىنىڭ ءىس جۇرگىزۋىنە بەرىلدى.

قالعان قىلمىستىق ىستەر بويىنشا تەرگەۋدى ىشكى ىستەر، ۇلتتىق قاۋىپسىزدىك، ەكونوميكالىق تەرگەۋ جانە سىبايلاس جەمقورلىققا قارسى قىزمەت ورگاندارى جۇرگىزۋدە.

وسى قىلمىستاردىڭ نەگىزگى ۇلەسىن، ياعني 70 پايىزىن نەمەسە 1356 سى نەگىزىنەن تارتىپسىزدىكتەردەن تۋىنداعان حاوس پروتسەسىندە الماتى قالاسىنىڭ ساۋدا وبەكتىلەرىنەن جاسالعان ۇرلىق تۋرالى ىستەردى قۇرايدى.

127 قىلمىستىق ءىس اتىس قارۋى مەن وق-دارىلەردى زاڭسىز ساقتاۋ فاكتىلەرى بويىنشا، تاعى 30 ءىس ولاردى ۇرلاۋ فاكتىلەرى بويىنشا تەرگەلۋدە. سونىمەن قاتار، 63 قىلمىستىق ءىس مۇلىكتى قاساقانا ءبۇلدىرۋ جانە جويۋ، 12 ءسى اۆتوكولىكتى ايداپ كەتۋ، 24 ءى - قاراقشىلىق جانە توناۋ، 23 ءى قۇقىق قورعاۋ ورگاندارى قىزمەتكەرلەرىنە كۇش قولدانۋ ءارى ولاردىڭ ومىرىنە قول سۇعۋ فاكتىلەرى بويىنشا تىركەلدى»، - دەدى تەرگەۋ دەپارتامەنتىنىڭ باستىعى.

بۇدان بۇرىن حابارلانعانداي، تارتىپسىزدىك كەزىندە زاقىم كەلگەن نىساندار مەن كولىكتەر سانى بەلگىلى بولدى. سونىمەن قاتار، قارۋدى ۇرلاعانى ءۇشىن 98 ادام ۇستالىپ، ۋاقىتشا ۇستاۋ اباقتىسىنا قامالدى جانە ولاردى زاڭسىز ساقتاعانى ءۇشىن 61 ادام ۇستالدى.