قىسقى وليمپيادا مەن پاراليمپيادادا جۇلدە العان سپورتشىلارعا قانشا سىياقى بەرىلەدى

نۇر-سۇلتان. قازاقپارات - ق ر مادەنيەت جانە سپورت ۆيتسە-ءمينيسترى سەرىك جاراسبايەۆ بەيجىڭدە وتەتىن XXIV قىسقى وليمپيادا مەن پاراليمپيادادا جۇلدە العان سپورتشىلارعا قانشا سىياقى بەرىلەتىنىن ايتتى، دەپ حابارلايدى قازاقپارات.

«جۇلدەلى ورىن العان وليمپياداشىلار مەن پاراليمپياداشىلار (1-6- ورىن) اقشالاي سىياقى الادى.

زاڭدا قاراستىرىلعانداي، جەڭىپ العان مەدالدارعا قاراي پاتەر دە بولىنەدى. ءبىرىنشى ورىن ءۇشىن - 250 مىڭ دوللار، ودان كەيىن - 150 مىڭ جانە 75 مىڭ دوللار سىياقى بەكىتىلگەن. مەدال جەڭىپ العان جاعدايدا، بۇل قاراجات ق ر مەملەكەتتىك رەزەرۆىنەن تولەنەدى»، - دەدى سەرىك جاراسبايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

بريفينگ بارىسىندا ۆيتسە-مينيستر پاراليمپيادا ويىندارىندا دايىندىق تۋرالى ايتىپ بەردى.

«پاراليمپياداشىلارعا وليمپياداشىلار سياقتى بىردەي كوڭىل ءبولۋ كەرەك. وليمپياداشىلاردى شىعارىپ سالۋ كەزىندە پرەزيدەنتتىڭ قابىلداۋىندا ەكى پاراليمپياداشى بولدى. پاراليمپيادا ويىندارىندا سپورتشىلارىمىز بىرنەشە ەسە از - وعان 4 ادام عانا قاتىسادى، ونىڭ ەكەۋى شاڭعى سپورتىندا جانە ەكەۋى بياتلوندا. دايىندىق قىزۋ ءجۇرىپ جاتىر. 5-25- اقپاندا سپورتشىلار وقۋ-جاتتىعۋ جيىنىنا - «الاتاۋ» شاڭعى-بياتلون كەشەنىنە بارادى.

پاراليمپيادا كوميتەتىمەن بارلىق ماسەلەلەر پىسىقتالدى. ولاردىڭ سانى الدەقايدا از بولعاندىقتان، بار ماسەلە جىلدام شەشىلەدى. ءبىز ولارعا ساتتىلىك تىلەيمىز»، - دەدى س. جاراسبايەۆ.