قازاقستاندىقتارعا شەتەلدە ۆاكسينا الۋىنا بولا ما؟
نۇر-سۇلتان. قازاقپارات - قازاقستان ازاماتى شەتەلدە كوروناۆيرۋسقا قارسى ۆاكسينا الۋىنا بولا ما؟ جانە شەتەلدىك ۆاكسينا پاسپورتى قازاقستاندا جارامدى ما؟
بۇل سۇراققا ق ر دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا جاۋاپ بەردى، دەپ حابارلايدى قازاقپارات ءتىلشىسى.
«ۆاكسينا العاننان كەيىن 6 ايدان سوڭ كوروناۆيرۋس ينفەكسياسىنا قارسى ريەۆاكسينا الۋعا رۇقسات. بۇگىنگى كۇنگە 1 ميلليون 200 مىڭ ادام ريەۆاكسيناتسيادان ءوتتى. ەلىمىزدە «Pfizer» ۆاكسيناسىنىڭ 2,5 ميلليوننان استام دوزاسى بار. جارامدىلىق مەرىزىمى - 9 اي. بۇگىنگى كۇنگە دەيىن ءبىرىنشى كومپونەنت 564 مىڭنان استام ادامعا، ەكىنشى كومپانەنت 300 مىڭنان استام ادامعا ەگىلدى»، - دەدى ايجان ەسماعامبەتوۆا و ك ق- دە ونلاين وتكەن باسپا ءسوز ءماسليحاتىندا.
سونداي-اق، كوميتەت باسشىسى «قازاقستاندىقتارعا شەتەلدە ۆاكسينا الۋعا بولا ما؟» دەگەن ساۋالعا جاۋاپ بەردى.
«ازاماتتاردىڭ ۆاكسينا الۋى ءوز ەركىندە جانە ونى قايدان الاتىنىندا ءوزى شەشەدى. بۇل تۋرالى ەلىمىزدە كوروناۆيرۋسقا قارسى ۆاكسينا الۋ ناۋقانى باستالعان ساتتە ايتقان بولاتىنبىز. ەگەر قازاقستاندىق ازامات شەتەلدەن ۆاكسينا السا، ونىڭ پاسپورتىن كورسەتەدى. جانە ول پاسپورت ءبىزدىڭ اقپاراتتىق جۇيەگە ازامات ۆاكسينا العان بولىپ تىركەلەدى»، - دەيدى ول.
- ەرلان قارين كونستيتۋتسياعا ەنگىزىلەتىن وزگەرىستەردى بەسكە ءبولىپ ءتۇسىندىردى
- ءبىر جىلدا باعا 13,2 پايىزعا ءوستى - ۇلتتىق بانك
- زەينەت جاسىن تومەندەتۋ ماسەلەسىن جىل سوڭىندا تالقىلايمىز - ەرالى توعجانوۆ
- ءاليحان سمايىلوۆ ەكونوميكانى دەمونوپوليزاتسيالاۋ جۇمىسىن جالعاستىرۋدى تاپسىردى
-
جاڭا وقۋ جىلىنان باستاپ ۇلدار مەن قىزدار دەنە شىنىقتىرۋ ءپانىن بولەك وتەدى
-
مەملەكەت باسشىسىنىڭ تۋعان كۇنىنە وراي قۇتتىقتاۋلار كەلىپ جاتىر