USD 427.84 EUR 443.8
RUB 6.67 CNY 63.02
جاڭالىقتار

قىسقى وليمپيادا: قازاقستان جالعىز مەدالمەن قايتۋدى داستۇرگە اينالدىردى ما

25 قاڭتار 18:44
:ءبولىسۋ
قىسقى وليمپيادا: قازاقستان جالعىز مەدالمەن قايتۋدى داستۇرگە اينالدىردى ما

نۇر-سۇلتان. قازاقپارات - ق ر مادەنيەت جانە سپورت ۆيتسە-ءمينيسترى سەرىك جاراسبايەۆ بەيجىڭدە وتەتىن XXIV قىسقى وليمپياداعا بولجام تۋرالى سۇراقتارعا جاۋاپ بەردى، دەپ حابارلايدى قازاقپارات.

«قازاقستان قىسقى وليمپيادادان جالعىز مەدالمەن قايتۋدى داستۇرگە اينالدىردى. بۇل جولى دا ءبىر مەدال الساق، جەتىستىك پە الدە ساتسىزدىك پە؟»، - دەپ سۇراق قويدى جۋرناليست ورتالىق كوممۋنيكاتسيالار قىزمەتىندە.

«ارينە، ءار وليمپياداعا بارعان سايىن جۇلدەدەن ۇمىتتەنەمىز. ءبىر مەدال بولسىن، ەكى مەدال بولسىن، ءبارى جۇلدە. ول سپورتشىلارىمىز بۇكىل ءومىرىن ارناعان، قان-تەرىن توككەننىڭ ناتيجەسى. جالپى تاۋەلسىزدىك العاننان بەرى قىسقى ويىنداردا 8 مەدال العانبىز. ونىڭ تورتەۋىن ءبىر عانا ادام العان. سوندىقتان، قانداي مەدال الساق تا، جەتىستىك دەپ ايتۋعا بولادى»، - دەپ جاۋاپ بەردى س. جاراسبايەۆ.

سپيكەر جالپى قىسقى سپورت ءتۇرىن دامىتۋعا ايرىقشا نازار اۋدارۋ قاجەت دەيدى. وليمپيادا اياقتالعان سوڭ، 25- اقپاندا مينيسترلىك پەن ۇكىمەت تاراپىنان كەڭەيتىلگەن كەڭەس وتەدى. سوندا بۇكىل سۇراق قاراستىرىلىپ، قاي باعىتتا جۇمىس ىستەۋ كەرەكتىگى ايقىندالادى.

«مەدالدارعا بولجام ايتۋ وتە قيىن، سوڭعى ەكى جارىم جىل بويى بۇكىل الەمدە پاندەميا بولىپ جاتىر. ءبىراق ءبىزدىڭ سپورتشىلارىمىز بار كۇشىن سالىپ، جوعارى ناتيجەلەرىنە جەتەدى دەگەن سەنىمدەمىز»، - دەدى ۆيتسە-مينيستر.

ايتا كەتەيىك، XXIV قىسقى وليمپيادا ويىندارى قىتايدىڭ بەيجىڭ قالاسىندا، 2022-جىلدىڭ 4-20 اقپان ارالىعىندا وتەدى. وندا جالپى سانى 109 مەدال ساراپقا سالىنادى. جارىستار بەيجىڭ قالاسىنان بولەك قاسىنداعى يانتسين جانە چجيانتسزياكوۋ قالالارىندا دا وتەدى.

:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات