USD 429.57 EUR 447.35
RUB 6.94 CNY 63.23
جاڭالىقتار

قىسقى وليمپياداعا قازاقستاننان قانداي شەنەۋنىكتەر قاتىسادى

25 قاڭتار 17:58
:ءبولىسۋ
قىسقى وليمپياداعا قازاقستاننان قانداي شەنەۋنىكتەر قاتىسادى

نۇر-سۇلتان. قازاقپارات - ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا قىسقى وليمپياداعا قازاقستان دەلەگاتسياسىمەن قانداي لاۋازىمدى تۇلعالار باراتىنى حابارلاندى، دەپ حابارلايدى قازاقپارات.

ق ر مادەنيەت جانە سپورت ۆيتسە-ءمينيسترى سەرىك جاراسبايەۆ وليمپياداعا مينيستر داۋرەن ابايەۆ جانە ءوزى قاتىساتىنىن ايتتى. ودان باسقا دەلەگاتسيا قۇرامىندا - 34 سپورتشى، 20 باپكەر، 7 قىزمەت كورسەتۋشى، 7 شتاب قىزمەتكەرى جانە 10 دارىگەر بار. سونىمەن بىرگە، تىلشىلەر «ۇلتتىق وليمپيادا كوميتەتىنىڭ پرەزيدەنتى تيمۋر قۇلىبايەۆ اشىلۋ سالتاناتىنا قاتىسا ما؟» دەگەن سۇراق قويدى.

«وليمپيادا كوميتەتى باسشىسىنىڭ قاتىسۋى جوسپارلانعان. بۇل مىندەتتى. ونىڭ وليمپيادانىڭ اشىلۋ راسىمىنە قاتىسۋى جوسپاردا بار. وليمپيادا تەك قانا كەزدەسۋلەر مەن جارىستاردان عانا تۇرمايدى. كوپتەگەن سەسسيالار مەن كەزدەسۋلەر وتەدى. بارلىق جۇمىس وليمپيادا ويىندارى كەزىندە قاتار وتەدى»، - دەپ جاۋاپ بەردى ۇ و ك باس حاتشىسى اندرەي كريۋكوۆ.

ۇ و ك وكىلىنىڭ ايتۋىنشا، قازاقستاندىق دەلەگاتسيا قۇرامىندا شامامەن 100 گە جۋىق ادام بولادى.

«قازىر كوۆيدتىك شەكتەۋلەرگە بايلانىستى ۇلكەن تالاپتار بار، سوندىقتان كوروناۆيرۋسقا شالدىققاندار وليمپياداعا جىبەرىلمەيدى. دەلەگاتسيا سانى ءالى دە ناقتىلانادى، شامامەن 100 گە جۋىق ادام بولۋى مۇمكىن»، - دەدى اندرەي كريۋكوۆ.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات