ق ر پرەزيدەنتى قىتاي مەن ورتالىق ازيا ەلدەرى ىنتىماقتاستىعىنا جوعارى باعا بەردى
«ەنەرگەتيكا سالاسىنداعى قازاق- قىتاي ىنتىماقتاستىعى ستراتەگيالىق سيپاتقا يە. قازاقستان- قىتاي مۇناي قۇبىرى جانە ورتالىق ازيا- قىتاي گاز قۇبىرى ۇزدىكسىز جۇمىس ىستەپ تۇر. قازاقستان اۋماعى ارقىلى وتەتىن ماگيسترالدى ءدالىز قىتاي تاۋار وندىرۋشىلەرىنىڭ ەۋروپا، تاياۋ شىعىس جانە تاۋەلسىز مەملەكەتتەر دوستاستىعى نارىقتارىنا جىلدام ءارى سەنىمدى شىعۋىن قامتاماسىز ەتەدى. ليانيۋنگانداعى تەرمينال، قورعاستاعى قۇرعاق پورت جانە «باتىس قىتاي - باتىس ەۋروپا» اۆتوماگيسترالى سىندى بىرلەسكەن ينفراقۇرىلىمدىق جوبالار «بەلدەۋ مەن جول» مەگاجوباسىنىڭ تىرەك بۋىنىنا ا ينالدى»، - دەپ اتاپ ءوتتى مەملەكەت باسشىسى «ورتالىق ازيا – ق ح ر» سامميتىندە.
ق ر پرەزيدەنتى وتكەن 30 جىلدىڭ ىشىندە ورتالىق ازيا مەملەكەتتەرىندە تاتۋ كورشىلىك جانە ءبىر- بىرىنە ءاردايىم قولداۋ كورسەتۋگە نەگىزدەلگەن ىنتىماقتاستىقتىڭ لايىقتى مودەلى قالىپتاسقانىن اتاپ ءوتتى.
«COVID-19 پاندەمياسىنىڭ ۋشىققان كەزەڭىندە ءوزارا كومەك كورسەتۋ جانە قىتايلىق وندىرىستەگى ۆاكسينالاردى جەتكىزۋدى جەدەل ۇيىمداستىرۋ ءبىزدىڭ مىزعىماس دوستىعىمىزدىڭ جارقىن سيمۆولىنا اينالدى»، - دەپ اتاپ ءوتتى قاسىم- جومارت توقايەۆ.