USD 427.84 EUR 443.8
RUB 6.67 CNY 63.02
جاڭالىقتار

قازاقستان قىتاي مەن ورتالىق ازيا ەلدەرىن بالاما ەنەرگەتيكانى دامىتۋ بويىنشا تەحنولوگيالار الماسۋعا شاقىردى

25 قاڭتار 16:41
:ءبولىسۋ
قازاقستان قىتاي مەن ورتالىق ازيا ەلدەرىن بالاما ەنەرگەتيكانى دامىتۋ بويىنشا تەحنولوگيالار الماسۋعا شاقىردى

نۇر- سۇلتان. قازاقپارات - ق ر پرەزيدەنتى قاسىم- جومارت توقايەۆ قىتاي مەن ورتالىق ازيا ەلدەرىن بالاما ەنەرگەتيكانى دامىتۋ بويىنشا تەحنولوگيالار الماسۋعا شاقىردى، دەپ حابارلايدى قازاقپارات.

«ەكونوميكالىق بەلسەندىلىكتىڭ پاندەميادان كەيىنگى قالپىنا كەلۋى ورنىقتى دامۋدىڭ جاڭا مودەلدەرىن ەنگىزۋدى تالاپ ەتەدى. قازاقستان ەكونوميكانى كاربونسىزداندىرۋدىڭ جولىنا ءتۇسىپ ۇلگەردى جانە 2060 -جىلعا قاراي كومىرسۋتەك بەيتاراپتىعىنا قول جەتكىزۋگە نيەتتى»، - دەگەن پرەزيدەنت بۇل باعىتتا قىسقا مەرزىمدى جوسپارلار دا بار ەكەنىن ايتتى.

«سونىڭ ىشىندە 2030 -جىلعا قاراي بالامالى كوزدەردىڭ ەلدىڭ ەنەرگيا تەڭگەرىمىندەگى ۇلەسىن 15 پايىزعا دەيىن جەتكىزەمىز. بۇل ىستە دە ءوزارا تىعىز ارەكەتتى جولعا قويىپ، سالا بويىنشا جەتەكشى تەحنولوگيالار الماسۋدى ۇسىنامىز. قازاقستان ءۇشىن قىتايدىڭ تاجىريبەسى ماڭىزى اسا زور مانگە يە» - دەدى مەملەكەت باسشىسى «ورتالىق ازيا - ق ح ر» سامميتىندە.

ق ر پرەزيدەنتى قاسىم- جومارت توقايەۆ «ورتالىق ازيا – ق ح ر» سامميتىندە «ءبىر بەلدەۋ - ءبىر جول» جوباسى تۋرالى پىكىر ءبىلدىردى.

«سوزىلمالى پاندەميا جاعدايىندا «ءبىر بەلدەۋ - ءبىر جول» باستاماسى ءوزىنىڭ سۇرانىسقا يە ەكەنىن كورسەتتى. بۇكىل الەم وسىناۋ اۋقىمدى جوبانىڭ جەمىسىن سەزىندى. بەلدەۋ مەن جولدى ءارى قاراي دا بىرلەسىپ سالۋدىڭ جۇمىستارىن بەلسەندەندىرۋ ماڭىزدى دەپ ەسەپتەيمىن. ونىڭ ىشىندە قوسىلعان قۇن سالىعى جوعارى ءونىم شىعارۋعا باعىتتالعان ءىرى جوبالارعا كوڭىل ءبولۋ قاجەت»، - دەگەن پرەزيدەنت بۇل نەگىزىنەن سيفرلاندىرۋ، جاسىل تەحنولوگيا جانە يننوۆاتسيالار سالاسىنا قاتىستى ەكەنىن ەسكەرتتى.

«بۇل سالالاردا قىتايدىڭ تابىسى ايقىن كورىنىپ وتىر. «ءبىر بەلدەۋ - ءبىر جول» باستاماسىنىڭ نەگىزگى بۋىنى بولىپ سانالاتىن قازاقستان قىتاي كوشباسشىسى ءمالىم ەتكەن ارىپتەستىكتىڭ جاڭارتىلعان ولشەمدەرىن جان- جاقتى قولدايدى. ياعني جوبالاردىڭ جوعارى ستاندارتتارى مەن ۇزاق مەرزىمدىلىگىن، الەۋمەتتىك باعدارلانۋىن قولدايدى»، - دەدى مەملەكەت باسشىسى.

اۆتور: ەسىمجان ناقتىباي



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات