USD 429.57 EUR 447.35
RUB 6.94 CNY 63.23
جاڭالىقتار

ەلىمىزدە قاڭتار وقيعاسىن زەرتتەيتىن قوعامدىق كوميسسيا قۇرىلدى

25 قاڭتار 16:25
:ءبولىسۋ
ەلىمىزدە قاڭتار وقيعاسىن زەرتتەيتىن قوعامدىق كوميسسيا قۇرىلدى

الماتى. قازاقپارات - الماتىدا قاڭتار وقيعاسىن زەرتتەيتىن قوعامدىق كوميسسيا قۇرىلدى، ونى بەلگىلى قۇقىق قورعاۋشى، زاڭگەر ايمان وماروۆا باسقارادى، دەپ حابارلايدى قازاقپارت ءتىلشىسى.

ايمان وماروۆانىڭ ايتۋىنشا، كوميسسيا قۇرامىنا بەلگىلى قۇقىق قورعاۋشىلار، قىلمىستىق ءىس جۇرگىزۋ قۇقىعى بويىنشا ماماندانعان زاڭگەرلەر كىردى.

«ءبىز تاۋەلسىز قوعامدىق كوميسسيامىز. ەكى مىڭنان استام قىلمىستىق ءىس بار. كوميسسيا تەك جابىرلەنۋشىلەردى، پوليتسيانى، سوققىعا جىعىلعانداردى عانا تەكسەرىپ، زەرتتەمەيدى. قازاقستاندا نەگە وسىنداي قاندى وقيعا بولدى؟ وسىعان باسا نازار اۋدارامىز. تۇگەل زەرتتەيمىز. كوميسسيا قۇرامىندا قورعاۋشىلار بولادى، ولاردىڭ بارلىعى تاجىريبەلى، قىلمىستىق ءىستى قارايتىن قورعاۋشىلار. كوميسسيا مۇشەلەرىنىڭ ءتىزىمى بار. ءبىراق، ولاردىڭ كىم ەكەنىن قاۋىپسىزدىك ءۇشىن جاريالامايمىز»، - دەيدى ول.

سونىمەن قاتار، ايمان وماروۆا جاپپاي تارتىپسىزدىكتى ءوز كوزىمەن كورگەنىن ايتتى.

«بەسىنشى قاڭتار كۇنى سول جەردە مەن بولدىم. تۇسىرگەن ۆيدەو دا بار. ول جەردە ەشقانداي دا بەيبىت شەرۋ بولعان جوق. مەن ولاردى كوردىم. ءتۇرى قازاق سياقتى، ءبىراق قازاقشا دا، ورىسشا دا سويلەمەيدى. كەيبىر جىگىتتەردىڭ ءتىلىنىڭ ديالەكتىسى بار. ەگەر مەنىڭ قولىما قۇپيا اقپارات تۇسسە، ونى تەرگەۋ بارىسىندا ايتا المايمىن. باسپاءسوز ءماسليحاتىن وتكىزىپ تۇرامىز. ءوزىم الەۋمەتتىك جەلى ارقىلى تىكەلەي ەفيرگە شىعىپ وتىرامىن»، - دەدى ايمان وماروۆا.

اۆتور: الما مۇقانوۆا



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات