USD 429.57 EUR 447.35
RUB 6.94 CNY 63.23
جاڭالىقتار

قاسىم- جومارت توقايەۆ ورتالىق ازيا مەن قىتاي مينيسترلىكتەرىنىڭ كونسۋلتاتسيالىق قىزمەتىن قۇرۋدى ۇسىندى

25 قاڭتار 15:57
:ءبولىسۋ
قاسىم- جومارت توقايەۆ ورتالىق ازيا مەن قىتاي مينيسترلىكتەرىنىڭ كونسۋلتاتسيالىق قىزمەتىن قۇرۋدى ۇسىندى

نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ ورتالىق ازيا مەن قىتاي مينيسترلىكتەرىنىڭ كونسۋلتاتسيالىق قىزمەتىن قۇرۋدى ۇسىندى، دەپ حابارلايدى قازاقپارات.

«قازاقستان قىتايعا ەكسپورتتايتىن 135 ءتۇرلى تاۋاردىڭ جەتكىزىلىم كولەمىن وسىرۋگە الەۋەتتى. ونىڭ ىشىندە ورگانيكالىق اۋىل شارۋاشىلىعى ءونىمى مەن ازىق- تۇلىك ەكسپورتىنىڭ كولەمىن 1 ميلليارد دوللاردان ارتتىرۋعا بولادى. وسىعان بايلانىستى بىرلەسكەن جولداردى پىسىقتاۋ ءۇشىن ءوزارا ساۋدا جانە كولىك بايلانىسى بويىنشا «ورتالىق ازيا+قىتاي» مينيسترلىكتەر كونسۋلتاتسياسى» تەتىگىن ىسكە قوسۋدى ۇسىنامىن»، - دەدى ول «ورتالىق ازيا – ق ح ر» سامميتىندە.

كەيىنگى 30 جىلدا قىتاي مەن ورتالىق ازيا ەلدەرىنىڭ اراسىنداعى ساۋدا كولەمى 100 ەسەدەن ارتىق وسكەن.

«قازاقستاننىڭ ورتالىق ازيا ەلدەرىمەن تاۋار اينالىمى كەيىنگى ءبىر جىلدا عانا 40 پايىزداي ارتتى. بىزگە ۇلكەن «ورتالىق ازيا جانە قىتاي» فورماتىنداعى ارىپتەستىكتىڭ مۇمكىندىكتەرىن ءتيىمدى پايدالانۋ كەرەك دەپ ەسەپتەيمىن. ورتاق مۇددەلەردى ەسكەرە وتىرىپ، قازىرگى كەزەڭدە مىناداي مىندەتتەردى شەشۋگە نازار اۋدارۋ ماڭىزدى بولار ەدى»، - پرەزيدەنت اتالعان مىندەتتەردىڭ ءارقايسىسىنا جەكە- جەكە توقتالدى.

«ءبىرىنشى، قىتايلىق ارىپتەستەرىمىزدىڭ دەرەگى بويىنشا، كەيىنگى 30 جىلدا قىتاي مەن ورتالىق ازيا ەلدەرىنىڭ اراسىنداعى ساۋدا كولەمى 100 ەسەدەن ارتىق وسكەن. بۇل ءالى شەگى ەمەس. ساۋدا- ەكونوميكالىق ارىپتەستىكتى ءارى قاراي ورىستەتۋگە كۇش سالا ءتۇسۋ قاجەت. بۇل مىندەتتىڭ استارىندا ساۋدا اينالىمىنىڭ مازمۇنىن ءارتاراپتاندىرۋ، كەدەرگىلەردى جويۋ، كەدەن ىسىندە ءتارتىپ ورنتاۋ جانە يننۆواتسيالىق شەشىمدەر ەنگىزۋ مىندەتتەرى جاتىر»، - دەدى قاسىم- جومارت توقايەۆ.

شارا بارىسىندا ق ر پرەزيدەنتى «قىتاي مەن ورتالىق ازيا حالىقتارىنىڭ دوستىعى» فورۋمىن وتكىزۋ باستاماسىنا قولداۋ ءبىلدىردى.

ايتا كەتەيىك، مەملەكەت باسشىسى قاسىم- جومارت توقايەۆ «ورتالىق ازيا – ق ح ر» سامميتىنە قاتىسۋدا. سامميتكە ق ح ر ءتوراعاسى شي جينپيڭ، وزبەكستان پرەزيدەنتى شاۆكات ميرزييەۆ، قىرعىزستان پرەزيدەنتى سادىر جاپپاروۆ، تۇرىكمەنستان پرەزيدەنتى گۋربانگۋلى بەردىمۇحامەدوۆ، تاجىكستان پرەزيدەنتى ەمومالي راحمون بەينەكونفەرەنسيا رەجيمىندە قاتىسىپ وتىر.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات