USD 429.57 EUR 447.35
RUB 6.94 CNY 63.23
جاڭالىقتار

قاسىم- جومارت توقايەۆ «ورتالىق ازيا – ق ح ر» سامميتىنە قاتىسۋدا

25 قاڭتار 15:01
:ءبولىسۋ
قاسىم- جومارت توقايەۆ «ورتالىق ازيا – ق ح ر» سامميتىنە قاتىسۋدا

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆتىڭ قاتىسۋىمەن «ورتالىق ازيا – ق ح ر» سامميتى باستالدى، دەپ حابارلايدى قازاقپارات ءتىلشىسى.

«پرەزيدەنت قاسىم- جومارت توقايەۆ 25- قاڭتاردا ديپلوماتيالىق قاتىناستاردىڭ 30 جىلدىعىنا ارنالعان «ورتالىق ازيا – ق ح ر» اتتى سامميتكە قاتىسادى. ونلاين فورماتتا وتەتىن جيىنعا قىتاي تاراپى باستاماشى بولدى»، - دەپ جازعان ەدى بۇعان دەيىن ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook-پاراقشاسىندا.

ونىڭ اتاپ وتۋىنشە، كوشباسشىلار ءتۇرلى سالالار بويىنشا ورتالىق ازيا ەلدەرى مەن قىتاي اراسىنداعى كوپجاقتى ستراتەگيالىق ىنتىماقتاستىقتىڭ دامۋ پەرسپەكتيۆالارىن تالقىلايدى. ءىس- شارا قورىتىندىسى بويىنشا ديپلوماتيالىق قاتىناستاردىڭ 30 جىلدىعىنا بايلانىستى بىرلەسكەن مالىمدەمە قابىلدانادى دەپ جوسپارلانعان.

سامميتكە ق ح ر ءتوراعاسى شي جينپيڭ، وزبەكستان پرەزيدەنتى شاۆكات ميرزييەۆ، قىرعىزستان پرەزيدەنتى سادىر جاپپاروۆ، تۇرىكمەنستان پرەزيدەنتى گۋربانگۋلى بەردىمۇحامەدوۆ، تاجىكستان پرەزيدەنتى ەمومالي راحمون قاتىسۋدا.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات