ە ق ى ۇ جانىنداعى ا ق ش ميسسياسى: قازاقستان حالقىنىڭ جانە ونىڭ كونستيتۋتسيالىق قۇرىلىمىنىڭ بەرىكتىگىنە سەنەمىز

None
None
نۇر- سۇلتان. قازاقپارات - ە ق ى ۇ جانىنداعى ا ق ش ميسسسياسى 2022 -جىلدىڭ 20 - قاڭتارىندا ۆەنادا قازاقستانداعى احۋال تالقىلانعان ۇيىمنىڭ تۇراقتى كەڭەسى وتىرىسىنداعى مالىمدەمەسىن جاريا ەتتى، دەپ حابارلايدى قازاقپارات ءتىلشىسى.

ە ق ى ۇ جانىنداعى ا ق ش- تىڭ تۇراقتى وكىلى، ەلشى مايكل كارپەنتەر قاڭتارداعى وقيعالار كەزىندەگى ادامداردىڭ ولىمىنە بايلانىستى قازاقستاندىقتارعا كوڭىل ايتىپ، قازاقستاننىڭ ەگەمەندىگى مەن تاۋەلسىزدىگىنە ءاردايىم قولداۋ كورسەتىلەتىنىن اتاپ ءوتتى.

«قازاقستان حالقىنىڭ جانە ونىڭ كونستيتۋتسيالىق قۇرىلىمىنىڭ بەرىكتىگىنە، سونىمەن قاتار ولاردىڭ وسىناۋ داعدارىستان وڭالۋعا قابىلەتتى ەكەندىگىنە سەنەمىز»، - دەپ اتاپ ءوتتى امەريكالىق ديپلومات.

م. كارپەنتەر ا ق ش مەملەكەتتىك حاتشىسى ە. بلينكەننىڭ سوزىنە سۇيەنە وتىرىپ، ۆاشينگتون قازاقستانمەن سەرىكتەستىكتەن اينىمايتىندىعىن جانە پرەزيدەنت قاسىم- جومارت توقايەۆ ۇسىنعان رەفورمالارعا قولداۋ كورسەتەتىندىگىن قۋاتتادى. امەريكا وكىلى قازاقستاندىق بيلىكتى تەرگەۋلەردىڭ اشىقتىعىن قامتاماسىز ەتۋگە جانە قاجەتتى قۇقىقتىق پروتسەدۋرالاردى ساقتاۋعا، سونداي- اق بەيبىت جولمەن وزدەرىنىڭ نارازىلىعىن بىلدىرۋشىلەر مەن زورلىق- زومبىلىققا، توناۋعا قاتىسۋشىلار اراسىن سارالاۋعا، ۇستالعان تۇلعالاردىڭ بارلىق ساناتتارى ءۇشىن ءتيىستى قۇقىقتىق پروتسەدۋرالاردى قامتاماسىز ەتۋگە شاقىردى.

ۇكىمەت پەن ازاماتتىق قوعامنىڭ بەيبىت ەلەمەنتتەرى اراسىنداعى سىندارلى ديالوگتىڭ ماڭىزدىلىعى ايتىلدى. ازاماتتاردىڭ بەيبىت جينالىستاردى ەركىن جۇزەگە اسىرۋ، ب ا ق- قا قۇرمەت تانىتۋ جانە بوستاندىعىن قولداۋ ماڭىزدىلىعى ەرەكشە اتالىپ ءوتىلدى.

«ءبىز پرەزيدەنت قاسىم- جومارت توقايەۆ 11 - قاڭتاردا ۇلتقا ارناعان ۇندەۋىندە اتاپ وتكەنىندەي، قازاقستانمەن ماڭىزدى ەكونوميكالىق، ساياسي، ءبىلىم بەرۋ جانە ەكولوگيالىق ماسەلەلەر بويىنشا سەرىكتەستىگىمىزدىڭ جالعاسۋىن تاعاتسىزدانا كۇتەمىز»، - دەپ اتاپ وتەدى ا ق ش ەلشىسى.

ونىڭ اتاپ وتۋىنشە، قازاقستانداعى ە ق ى ۇ وكىلدىگى قوعام تۇراقتىلىعىن نىعايتۋ جانە رەفورمالاردى ىلگەرلەتۋگە جاردەمدەسۋ ءۇشىن پايدالى قۇرالدارعا يە.

اۆتور: مارلان جيەمباي

سوڭعى جاڭالىقتار