USD 429.57 EUR 447.35
RUB 6.94 CNY 63.23
جاڭالىقتار

ءاليحان سمايىلوۆ بيزنەسكە كارانتيندىك شەكتەۋلەردى جەڭىلدەتەتىن ءىس- شارالار ازىرلەۋدى تاپسىردى

25 قاڭتار 10:02
:ءبولىسۋ
ءاليحان سمايىلوۆ بيزنەسكە كارانتيندىك شەكتەۋلەردى جەڭىلدەتەتىن ءىس- شارالار ازىرلەۋدى تاپسىردى

نۇر- سۇلتان. قازاقپارات - ەلدەگى ەپيدەميولوگيالىق احۋالدى ءارى قاراي باقىلاۋدا ۇستاۋ قاجەت. بۇل تۋرالى ۇكىمەت وتىرىسىندا پرەمەر- مينيستر ءاليحان سمايىلوۆ ايتتى، دەپ حابارلايدى قازاقپارات ءتىلشىسى.

«وڭىرلەردە كوروناۆيرۋس ينفەكتسياسى ءالى دە ءورشىپ تۇر. تۇركىستان وبلىسىنان باسقا ءوڭىردىڭ ءبارى «قىزىل» ايماقتا. ۆيرۋستىڭ ەڭ كوپ تارالۋى اقمولا، قاراعاندى، پاۆلودار وبلىستارىندا جانە استانامىزدا تىركەلىپ وتىر. ەپيدەميولوگيالىق احۋالدى ءارى قاراي باقىلاۋدا ۇستاۋ قاجەت»، - دەدى ۇكىمەت باسشىسى.

سونىمەن قاتار ءاليحان سمايىلوۆ كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا «اتامەكەن» پالاتاسىمەن بىرگە مەملەكەت باسشىسىنىڭ بيزنەسكە ارنالعان كارانتيندىك شەكتەۋلەردى قايتا قاراۋ جونىندەگى تاپسىرماسىن ەسكەرە وتىرىپ، ءتيستى ءىس- شارالاردى ازىرلەۋى كەرەكتىگىن اتاپ ءوتتى.

«بيزنەستىڭ جۇمىسىنا بوگەت جاساماي، تۋىنداعان پروبلەمالاردى بىرلەسىپ شەشۋىمىز كەرەك. دەنساۋلىق ساقتاۋ مينيسترلىگى مەن اكىمدىكتەر ۆاكتسينالاۋ جانە ريەۆاكتسينالاۋ جۇمىستارىن كۇشەيتۋى ءتيىس»، - دەگەن پرەمەر- مينيستر جالپى باقىلاۋدى ورىنباسارى ەرالى توعجانوۆقا جۇكتەدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات