ىستانبۇل اۋەجايىندا بارلىق رەيستەر توقتاتىلدى

ىستانبۇل. انادولى- قازاقپارات - دۇيسەنبى كۇنى اۋا رايىنىڭ بۇزىلۋىنا بايلانىستى ىستانبۇل اۋەجايىندا بارلىق رەيستەر توقتاتىلدى، دەپ حابارلايدى قازاقپارات انادولى اگەنتتىگىنە سىلتەمە جاساپ.

اۋە ايلاعى اكىمشىلىگىنىڭ مالىمدەۋىنشە، بۇعان قالىڭ قار جاۋۋى سەبەپ. ال Mynet جاڭالىقتار پورتالىنىڭ حابارلاۋىنشا، رەسپۋبليكالىق ماڭىزى بار اۆتوجولداردا قالىڭ قاردىڭ جاۋۋى مەن اپاتتارعا بايلانىستى كەپتەلىس تۋىنداعان. بىرنەشە ساعاتقا انكارا مەن ىستانبۇل اراسىنداعى جول، سونىمەن قاتار ىستانبۇل اۋەجايىنا اپاراتىن كىرەبەرىس جولدارى جابىلعان.

قازىرگى كەزدە قالىڭ قار جاۋۋىنان سولتۇستىك- باتىس پروۆينتسيالاردا، ءمارمار تەڭىزى اۋماعىندا قالىپتى تىرشىلىك پەن كولىك قاتىناسى بۇزىلعان. وندا ءبىرقاتار اۋداندا ورتاشا العاندا 20-30 سانتيمەتر قار تۇسكەن. سونىمەن قاتار ورتالىق پروۆينتسيالار مەن ەلدىڭ وڭتۇستىگىنە جاۋىن- شاشىن تۇسكەن. كۋرورتتىق انتاليا، مارماريس پەن بودرۋمدا قار جاۋادى دەلىنگەن.