گەرمانيا ۋنيۆەرسيتەتىندە ستۋدەنت قارۋدان وق جاۋدىرا باستاعان

بەرلين. قازاقپارات - گەرمانيا كانتسلەرى ولاف شولتس گەيدەلبەرگ ۋنيۆەرسيتەتىندە بولعان قارۋلى شابۋىلعا بايلانىستى كوڭىل ايتتى.

ءبىلىم ورداسى گەرمانيانىڭ وڭتۇستىك- باتىسىنداعى بادەن- ۆيۋرتەمبەرگ فەدەرالدى جەرىندە ورنالاسقان، دەپ حابارلايدى قازاقپارات euronews.com سايتىنا سىلتەمە جاساپ.

سالدارىنان ستۋدەنت قىز قازا تاۋىپ، ءۇش ادام اۋىر جاراقات الدى. قاسكۇنەم ءدارىس زالىندا ستۋدەنتتەرگە وق جاۋدىرىپ، ارتىنشا ءوز- وزىنە قول سالعان. وقۋ ورنىنا جاقىن اۋماق قورشاۋعا الىندى. الدىن الا دەرەكتەر بويىنشا، وق اشقان ادام ستۋدەنت بولعان. ول وزىمەن بىرگە ۇزىن ۇڭعىلى بىرنەشە اتىس قارۋىن الىپ كەلگەن. وقيعا ورنىندا قۇقىق قورعاۋ ورگاندارىنىڭ قىزمەتكەرلەرى جۇمىس ىستەپ جاتىر. پوليتسيانىڭ حابارلاۋىنشا، قىلمىسكەر جالعىز ارەكەت ەتكەن. ماماندار ازىرگە بۇل ىستەن ساياسي نەمەسە ءدىني نەگىز كورىپ تۇرعان جوق.