08:06, 25 - قاڭتار 2022 | GMT +6
د د س ۇ باسشىسى پاندەميا اياقتالادى دەپ ەسەپتەمەيدى
نۇر-سۇلتان.قازاقپارات - وميكرون سوڭعى شتامم ەمەس، الەمدە ودان باسقا دا جاڭا مۋتاتسيالار پايدا بولۋى مۇمكىن. دۇنيەجۇزىلىك دەنساۋلىق ساقتاۋ ۇيىمىنىڭ باس حاتشىسى وسىلاي دەيدى.
تەدروس گەبرەيەسۋستىڭ ايتۋىنشا، كوروناۆيرۋس ىندەتى اياقتالىپ كەلەدى دەپ جار سالۋ دۇرىس ەمەس كورىنەدى. ىندەتتى تولىق ەڭسەرۋ ءۇشىن تەستىلەۋ جانە ۆاكسينالاۋ ناۋقانىن ءتيىستى دەڭگەيدە اتقارۋ قاجەت دەيدى ۇيىم باسشىسى.
تەدروس ادحانوم گەبرەيەسۋس، د د س ۇ باس حاتشىسى:
- پاندەمياعا قاتىستى ءارتۇرلى بولجام بار. قايتا ءورشۋى نەمەسە اۋىر كەزەڭى اياقتالۋى مۇمكىن. قالاي دەگەنمەن دە وميكروندى سوڭعى شتامم دەپ ەسەپتەۋ قاۋىپتى. كەرىسىنشە، الەمدەگى احۋال نەشە ءتۇرلى مۋتاتسيالاردىڭ پايدا بولۋىنا قولايلى جاعداي جاساپ جاتىر. پاندەميانى ەڭسەرۋ ءۇشىن ءبىز وسى جاعدايدى وزگەرتە ءبىلۋىمىز قاجەت.
www.24.kz