USD 429.57 EUR 447.35
RUB 6.94 CNY 63.23
جاڭالىقتار

رەسەي- ۋكراينا شەكاراسىنداعى احۋال ۋشىقتى

25 قاڭتار 07:47
:ءبولىسۋ

نۇر-سۇلتان.قازاقپارات - ناتو شىعىس ەۋروپاداعى اسكەري تەحنيكا سانىن ارتتىرادى. بۇل ۋكراينا مەن رەسەي شەكاراسىنداعى احۋالعا قاتىستى قابىلدانعان شەشىم.

جالپى، كەيىنگى ۋاقىتتا بۇقارالىق اقپارات قۇرالدارىندا «ماسكەۋ كورشى مەملەكەتكە باسىپ كىرۋگە دايىندالىپ جاتىر» دەگەن مالىمەت ءجيى پايدا بولا باستادى.

الايدا رەسەي مۇنىڭ ءبارىن جوققا شىعارىپ وتىر. دەگەنمەن كەيبىر مەملەكەتتەر ۋكراينا ەلشىلىگىندەگى قىزمەتكەرلەرىن كەرى قايتارۋعا دايىندالىپ جاتىر. گەوساياسي جاعداي نارىققا اسەر ەتپەي قويمادى. مۇنى ءرۋبلدىڭ ارزانداۋىنان بايقاۋعا بولادى. ارىپتەسىم جۇلدىز اتاگەلديەۆا ماسەلەنىڭ ءمان- جايىنا ءۇڭىلىپ كوردى.

شەتەلدىك اقپارات قۇرالدارىندا «رەسەي ۋكراينا شەكاراسىنداعى اسكەر سانىن ارتتىرىپ، كورشى ەلگە باسىپ كىرۋگە دايىندالىپ جاتىر» دەگەن اقپارات بىلتىر كۇزدەن بەرى ايتىلىپ كەلەدى. وسى رەتتە باتىس ەلدەرى ماسكەۋدەن جاۋىنگەرلەرىن شەكارادان ارى اكەتۋگە شاقىرىپ، قاجەت بولسا، سانكتسيا سالۋعا دايىن ەكەندەرىن جەتكىزدى. الايدا كرەمل كورشى ەلگە باسىپ كىرۋ تۋرالى مالىمەتتى تالاي مارتە جوققا شىعارىپ كەلدى.

ۋكراينا جاعىنا كەلەتىن بولساق، جۋىردا پرەزيدەنت حالىققا ۇندەۋ جاساپ، دۇربەلەڭگە بوي الدىرماۋعا شاقىردى. وسى ساعاتتاردا ۆلاديمير زەلەنسكيي ۇلتتىق قاۋىپسىزدىك كەڭەسىنىڭ وتىرىسىن وتكىزىپ جاتىر. ال سوڭعى مالىمەت بويىنشا، ەۋروپالىق وداق ۋكرايناعا قارجىلاي كومەكتىڭ جاڭا پاكەتىن ۇسىناتىن بولدى.

ۋرسۋلا فون دەر ليايەن، ەۋروكوميسسيا باسشىسى:

- ەۋرووداق نەسيە جانە گرانت رەتىندە ۋكرايناعا 1 ميلليارد 200 ميلليون ەۋرو بولەدى. بۇل كومەك پاكەتى شيەلەنىسكە بايلانىستى رەسمي كييەۆكە قارجى قاجەتتىلىكتەرىن جابۋعا جاردەمدەسەدى. 600 ميلليون ەۋرو كولەمىندەگى العاشقى ترانش جاقىن ارادا ءبولىنۋى ءتيىس. ال بۇگىن ناتو وكىلدەرى شىعىس ەۋروپاداعى اسكەري تەحنيكا سانىن ارتتىراتىنىن مالىمدەدى.

ماسەلەن، دانيا بالتيكاعا كەمەسىن جىبەرەدى. يسپانيا بولگارياعا جويعىش ۇشاقتارىن اتتاندىراتىن بولدى. فرانتسيا رۋمىنياعا اسكەرىن جەتكىزۋگە دايىن ەكەنىن ايتتى. امەريكالىقتار دا اليانستىڭ شىعىس قاپتالىندا جاۋىنگەرلەرىنىڭ سانىن ارتتىرۋ مۇمكىندىگىن قاراستىرىپ جاتىر.

دميتري پەسكوۆ، ر ف پرەزيدەنتىنىڭ باسپا ءسوز حاتشىسى:

- ناتو مالىمدەمەسىن ءبارىمىز دە وقىدىق. وندا اليانستىڭ شىعىس قاپتالىنا اسكەري تەحنيكا مەن جاۋىنگەرلەردىڭ تارتىلاتىنى تۋرالى جازىلعان. سونىڭ سالدارىنان احۋال تەك ءورشىپ بارادى. بۇعان رەسەيدىڭ قاتىسى جوق. مۇنىڭ بارىنە ناتو مەن ا ق ش وكىلدەرى جانە ولاردىڭ تاراتىپ جاتقان اقپاراتى سەبەپ. ال بۇعان دەيىن اقش ۋكرايناداعى كەيبىر ديپلوماتتارى مەن ولاردىڭ وتباسى مۇشەلەرىن ەلگە كەرى قايتۋعا رۇقسات بەردى.

سونداي- اق بەلارۋستەگى ەلشىلىك، ، ، امەريكالىقتاردى ساق بولۋعا شاقىردى. ياعني كىسى كوپ جيىلاتىن جەرگە بارماۋعا، سونداي- اق توتەنشە جاعداي بولا قالسا، ەلدەن كەتۋ جوسپارىن ازىرلەۋگە كەڭەس بەرىلدى. ۋكراينالىقتار كييەۆتەن امەريكالىق ديپلوماتتاردى الىپ كەتۋ شەشىمىنە قاتىستى «الاڭداۋعا نەگىز» جوق دەيدى.

ولەگ نيكولەنكو، ۋكراينا س ءى م باسپا ءسوز حاتشىسى:

- امەريكالىقتار اسىعىس شەشىم قابىلدادى دەپ ويلايمىز. ويتكەنى ەلىمىزدە قاۋىپسىزدىككە قاتىستى جاعداي كۇرت وزگەردى دەپ ايتۋعا بولمايدى. ۇلى بريتانيا دا كييەۆتەگى ءوز ەلشىگىنىڭ كەيبىر قىزمەتكەرلەرى مەن ولاردىڭ تۋىستارىن الىپ كەتە باستادى. اۆستراليالىقتار دا وسىلاي ىستەپ جاتىر. گەرمانيا وكىلدەرى ۋكرايناداعى ديپلوماتتار مەن ولاردىڭ وتباسى مۇشەلەرىنە سىرتقى ىستەر مينيسترلگىگى ەسەبىنەن ەلگە قايتۋعا رۇقسات بەردى.

ال ەۋرووداق وكىلدەرى ازىرگە مۇنداي شەشىم قابىلداۋعا اسىقپايتىندارىن جەتكىزدى.

جوزەپ بوررەل، ەۋرووداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى:

- جاعدايدى ۋشىقتىرۋدىڭ قاجەتى جوق. قازىر كەلىسسوزدەرى پروتسەسى ءجۇرىپ جاتىر. ءبىز اقش- تىڭ مەملەكەتتىك حاتشىسىنان نەلىكتەن ۋكرايناداعى ديپلوماتتارىن الىپ كەتكىسى كەلەتىنىن سۇراپ بىلەمىز. ال ءوز تاراپىمىزدان ونداي قادامعا بارمايمىز. ويتكەنى ديپلوماتتاردى اكەتۋگە نەگىز جوق دەپ سانايمىز.

گەوساياسي جاعداي نارىققا اسەر ەتتى. سالدارىنان بۇگىن رۋبل ارزانداپ، دوللار باعامى كەيىنگى 9 ايدا العاش رەت 78 رۋبلدىك مەجەدەن اسىپ كەتتى. ەكى ەل شەكاراسىنداعى جاعداي مۇناي نارىعىنا دا اسەر ەتتى.

«شيكىزاتتىڭ جەتكىزىلۋىنە قاتىستى قيىندىقتار تۋىنداۋى مۇمكىن» دەگەن كۇدىككە بايلانىستى ونىڭ باعاسى وسكەن. قارا التىن قۇنىنىڭ قىمباتتاۋىنا يەمەندەگى احۋال دا اسەر ەتتى. جاقىندا مۇنداعى كوتەرىلىسشىلەر بىرىككەن اراب امىرىلكتەرىندە جارىلىس ۇيىمداستىرعان. ەندى جاۋاپ رەتىندە ساۋد ارابياسى باستاعان كواليتسيا ەلدى اۋەدەن سوققىلاپ جاتىر.


www.24.kz



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات