USD 425.02 EUR 450.1
RUB 7.17 CNY 63.75
جاڭالىقتار

جاڭا جىلدىڭ باسىنان بەرى الماتىدا قانشا جۇكتى ايەل كوروناۆيرۋسپەن اۋىردى

24 قاڭتار 21:40
:ءبولىسۋ
جاڭا جىلدىڭ باسىنان بەرى الماتىدا قانشا جۇكتى ايەل كوروناۆيرۋسپەن اۋىردى

الماتى. قازاقپارات - الماتىدا جىل باسىنان بەرى 2 مىڭنان استام ايەل كوروناۆيرۋس پەن پنيەۆمونيانى جۇقتىرعان، دەپ حابارلايدى قازاقپارات ءتىلشىسى.

اگەنتتىكتىڭ رەسمي ساۋالىنا الماتى قالاسىنىڭ قوعامدىق دەنساۋلىق ساقتاۋ باسقارماسى 2022-جىلدىڭ 1- قاڭتارى مەن 24- قاڭتارى ارالىعىندا COVID-19-بەن اۋىرعانداردىڭ جالپى سانى 2173 ادامدى قۇرايتىنى تۋرالى جاۋاپ بەردى.

«جالپى 1257 ايەل ەمدەلۋدە، ونىڭ 1038 ءى امبۋلاتورلىق، ال جۇكتى 219 ايەل ستاتسيونارلىق ەم الۋدا. جاڭا جىلدىڭ باسىنان بەرى جۇكتى ايەلدەر اراسىندا كوروناۆيرۋستان قايتىس بولعاندار تىركەلگەن جوق»، - دەپ حابارلادى ۆەدومستۆودان.

ەسكە سالايىق، مەگاپوليستە كوروناۆيرۋس بويىنشا ەپيدەميولوگيالىق جاعداي تۇراقتى ەمەس. قازاقستان ايماقتارىندا ەپيدەميولوگيالىق جاعدايدى باعالاۋ ماتريتساسىنا سايكەس، الماتى 12- قاڭتاردان باستاپ «قىزىل» ايماققا كىردى.

الماتى اكىمى باقىتجان ساعىنتايەۆ كوروناۆيرۋسقا قارسى ەكپە جانە ريەۆاكتسيناتسيالاۋ جۇمىستارىن كۇشەيتۋدى تاپسىردى.

الماتىلىقتارعا ارناعان سوزىندە اكىم ەكپەنى كەشىكتىرمەۋگە، ال ودان وتكەن ادامدارعا بۋستەرلىك ەگۋدى قويۋعا كەڭەس بەردى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات