USD 429.57 EUR 447.35
RUB 6.94 CNY 63.23
جاڭالىقتار

قاسىم-جومارت توقايەۆ تاتارستان پرەزيدەنتى رۋستام ميننيحانوۆتى قابىلدادى

24 قاڭتار 20:16
:ءبولىسۋ
قاسىم-جومارت توقايەۆ تاتارستان پرەزيدەنتى رۋستام ميننيحانوۆتى قابىلدادى

نۇر-سۇلتان. قازاقپارات - قاسىم-جومارت توقايەۆ قازاقستانعا جۇمىس ساپارىمەن كەلگەن تاتارستان پرەزيدەنتى رۋستام ميننيحانوۆتى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

تاراپتار ساۋدا-ەكونوميكالىق، ونەركاسىپ جانە تەحنولوگيا سالارىنداعى ءوزارا ىنتىماقتاستىقتى نىعايتۋدىڭ پەرسپەكتيۆالارىن تالقىلادى.

قاسىم-جومارت توقايەۆ رۋستام ميننيحانوۆقا ءىلتيپات ءبىلدىرىپ، رەسەي فەدەراتسياسىمەن اراداعى كوپجاقتى قاتىناستاردى دامىتۋ ىسىندە تاتارستاننىڭ ماڭىزدى ورىن الاتىنىن اتاپ ءوتتى.

مەملەكەت باسشىسىنىڭ ايتۋىنشا، تاتارستان قازاقستانمەن ەكونوميكالىق، ونەركاسىپتىك جانە تەحنولوگيالىق ىنتىماقتاستىقتى نىعايتۋ دەڭگەيى بويىنشا رەسەي فەدەراتسياسى سۋبەكتىلەرىنىڭ ىشىندە كوش باستاپ كەلەدى.

2021-جىلدىڭ 11 ايىنىڭ قورىتىندىسى بويىنشا ءوزارا تاۋار اينالىمى 423 ميلليون دوللارعا جەتكەن. «كاماز» جانە «تاتنەفت» كومپانيالارىنىڭ قاتىسۋىمەن ماشينا جاساۋ سالاسىندا قۇنى 1,8 ميلليارد دوللار بولاتىن جوبالاردىڭ جۇزەگە اسىرىلۋى - وسىنداي تابىستى ىنتىماقتاستىقتىڭ جارقىن كورىنىسى.

قوستاناي جانە قاراعاندى وبلىستارىندا «كاماز» اۆتوبولشەكتەرى مەن «تاتنەفت» دوڭگەلەكتەرىن شىعاراتىن ءۇش زاۋىتتىڭ قۇرىلىسى بەلسەندى جۇرگىزىلۋدە. مەملەكەت باسشىسى قازاقستاننىڭ ينۆەستورلارعا، ونىڭ ىشىندە تاتارستاننىڭ يۆەستورلارىنا قولايلى بولۋ ءۇشىن قاجەتتى جاعدايدىڭ ءبارىن جاسايتىنىنا نازار اۋداردى.

سونىمەن قاتار قاسىم-جومارت توقايەۆ رۋستام ميننيحانوۆقا تاتارستانمەن بىرلەسكەن جوبالاردى جۇزەگە اسىرۋ ءۇشىن قوسىمشا مۇمكىندىكتەر تۋعىزاتىن ەلدە جۇرگىزىلىپ جاتقان اۋقىمدى ەكونوميكالىق رەفورمالار مەن ناقتى دامۋ باعدارلامالارى تۋرالى ايتتى.

تاتارستان پرەزيدەنتى جىلى قابىلداعانى ءۇشىن قاسىم-جومارت توقايەۆقا العىس ءبىلدىرىپ، قازاقستاندىق سەرىكتەستەرمەن ىقپالداستىقتى نىعايتۋ جونىندەگى ءبىرقاتار ينۆەستيتسيالىق جوبالار مەن تاتار بيزنەسى جوسپارىنىڭ جۇزەگە اسىرىلۋ بارىسى تۋرالى مالىمەت بەردى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات