الماتىدا قارۋ-جاراق قويماسى تابىلدى

الماتى. قازاقپارات - الماتىدا ۇرلانعان مىلتىق پەن وق-دارىلەردىڭ قويماسى تابىلدى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، قارۋ-جاراق ساقتالعان قۇپيا ورىن «شاڭىراق» ىقشام اۋدانىنداعى جەكە تۇرعىن ءۇيدىڭ ەدەنىنىڭ استىنان تابىلدى.

بەلگىلى بولعانىنداي ول جەردە تارتىپسىزدىككە جانە قارۋ-جاراق دۇكەنىن توناۋعا قاتىسقان ءتورت ادام قارۋ-جاراق پەن وق-دارىلەردى ساقتاعان.

«اتاپ ايتقاندا، ءتىنتۋ كەزىندە وقتارى بار ەكى مىرىش، 12 ر گ د جانە ف-1 گراناتاسى، ا ك-47 گە ارنالعان ەكى پاترون، وق وتكىزبەيتىن كيىم، قالقاندار، دۋلىعالار، ر پ گ سناريادى، تەگىس ۇڭعىلى مىلتىق، توعىز مىلتىق تابىلدى. ايعاقتى زاتتار تەرگەۋ-جەدەل توبىمەن پروتسەسسۋالدىق تارتىپتە تاركىلەندى. قىلمىستىق ءىس ق ر ق ك- ءنىڭ 188- بابى 3- بولىگىمەن جانە ق ر ق ك- ءنىڭ 291- بابى 1- بولىگىمەن تىركەلدى»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.

كۇدىكتىلەر ۋاقىتشا ۇستاۋ يزولياتورىنا قامالدى پوليتسيا وكىلىنىڭ ايتۋىنشا، ۇستالعاندار ارسەنال تابىلعان جالدامالى ۇيدە بىرگە تۇرعان.