ەلوردادا مەشىتتەر قالاي جۇمىس ىستەپ تۇر؟
«قالا مەشىتتەرى ستاتسيونارلىق رەجيمدە جۇمىس ىستەپ جاتىر. قۇلشىلىق جاسالىپ جاتىر، ءبىراق جاماعاتتىڭ قاتىسۋىنسىز. سونداي-اق، ازىرگە جۇما ناماز جانە اس بەرۋگە دە رۇقسات جوق»، - نۇر-سۇلتان قالاسى ءدىن ىستەرى جونىندەگى باسقارما باسشىسى نۇرداۋلەت ءالمۇحانوۆ تىلشىلەردىڭ سۇراعىنا جاۋاپ بەرە تۇرىپ.
ودان بولەك، باسقارما باسشىسى حالىق تاراپىنان ۆاكسيناعا قاتىستى سۇراقتاردىڭ ءجيى كەلىپ تۇسەتىنىن ايتتى.
«ءبىزدىڭ ماماندار سۇراقتاردى باعىتتار بويىنشا ءبولىپ قاراستىرىپ، جاۋاپ بەرىپ جاتىر. ءجيى قويىلاتىن سۇراقتىڭ ءبىرى قۇران كارىمدە ۆاكسيناعا قاتىستى نە ايتىلعان، رۇقسات بەرىلگەن بە؟ شاريعاتتا ەكپەگە قاتىستى قارسى ەشتەڭە ايتىلماعان»، - دەيدى ول.
بۇعان دەيىن مەشىت يمامى ۆاكسينا حالال الدە حارام دەگەنگە قاتىستى تۇسىنىك بەرگەن ەدى.
ايتا كەتەيىك، بۇگىن ەلوردادا ءدىني بىرلەستىكتەر وكىلدەرى ريەۆاكسينا جاساتتى.