قازاقستاندا جاپپاي تارتىپسىزدىكتەر كەزىندە مەشىتتەر زارداپ شەكتى ما؟

نۇر-سۇلتان. قازاقپارات - ەلدە بولعان جاپپاي ەرەۋىل كەزىندە ەشقانداي مەشىت زارداپ شەككەن جوق.

بۇل تۋرالى ەلورداداعى «ازىرەت سۇلتان» مەشىتىنىڭ باس يمامى ەربولات ءجۇسىپوۆ ءمالىم ەتتى، دەپ حابارلايدى قازاقپارات ءتىلشىسى.

«اللاعا شۇكىر، مەشىتتەرگە زارداپ كەلگەن جوق. وسى تۇستا ءدىن ماماندارى بۇزاقىلىققا قارسىمىز، ءدىن دە قارسى. سەبەبى ارانداتۋشىلىق ەش جاقسىلىققا الىپ كەلمەيدى. ول تۋالى جاماعاتقا ايتىپ تا جاتىرمىز. پايعامبارىمىز «ىرىتكى ول ۇيىقتاپ جاتاتىن نارسە، ونى وياتقان ادامعا اللانىڭ قارعىسى بولسىن» دەگەن. سونداي-اق، حاديستەرگە جازىلعانداي «ىرىتكى كەزىندە تۇرعان ادامنان، وتىرعان ادام جاقسى» دەلىنگەن. تۇراقتىلىق، تىنىشتىق ءتاڭىردىڭ بەرگەن سىيى. ال ونى ساقتاۋ ءوز قولىمىزدا. بىزدە مەشىتتەر زارداپ شەكتى دەگەن ەشقانداي ماعلۇمات جوق»، - دەدى ەربولات ءجۇسىپوۆ.

ودان بولەك، يمام جاپپاي باسسىزدىق كەزىندە ءدىني سالا ماماندارىنىڭ دا زارداپ شەكپەگەنىن جەتكىزدى. بۇعان دەيىن مامان ۆاكسينا حالال الدە حارام دەگەنگە قاتىستى تۇسىنىك بەرگەن ەدى.

ايتا كەتەيىك، بۇگىن ەلوردادا ءدىني بىرلەستىكتەر وكىلدەرى ريەۆاكسينا جاساتتى.