بەس اقمولالىق سپورتشى بەيجىڭدەگى قىسقى وليمپياداعا قاتىسادى
اقمولا وبلىسى دەنە شىنىقتىرۋ جانە سپورت باسقارماسى باسپا ءسوز قىزمەتىنىڭ مالىمەتىنشە، 24- قىسقى وليمپيادا ويىندارى 4-20- اقپان ارالىعىندا قىتاي استاناسى بەيجىڭدە وتەدى.
«وسى بايراقتى جارىسقا ەلىمىزدەن جەتى شاڭعىشى قاتىستاتىن بولسا، ونىڭ ۇشەۋى اقمولا وبلىسىنىڭ سپورتشىلارى. ولار قازاقستان رەسپۋبليكاسىنىڭ سپورت شەبەرلەرى ۆالەريا تيۋلەنيەۆا مەن نادەجدا ستەپاشكينا. ۆالەريا تيۋلەنيەۆا 2018-جىلعى وليمپيادا ويىندارىنىڭ قاتىسۋشىسى. سونىمەن بىرگە، حالىقارالىق دارەجەدەگى سپورت شەبەرى، ازيا ويىندارىنىڭ چەمپيونى، دۇنيەجۇزىلىك ۋنيۆەرسيادا جۇلدەگەرى، ءۇش وليمپيادا ويىندارىنىڭ قاتىسۋشىسى ەۆگەني ۆەليچكو بار. بۇدان بولەك، بياتلوننان ۇلتتىق قۇرامانىڭ ساپىنا قازاقستان رەسپۋبليكاسىنىڭ سپورت شەبەرى، الەم چەمپيوناتتارىنىڭ قاتىسۋشىسى الەكساندر مۋحين ەنىپ وتىر»، - دەدى ۆەدومستۆودان.
ۆەدومستۆونىڭ باسپا ءسوز حاتشىسى ماحاببات بولشينا اتاپ وتكەندەي، 4-13- ناۋرىز ارالىعىندا بەيجىڭدە وتەتىن XIII پاراليمپيادالىق قىسقى ويىندارىندا تاعى ءبىر اقمولالىق، حالىقارالىق دارەجەدەگى سپورت شەبەرى، XII قىسقى پاراليمپيادالىق ويىندارعا قاتىسۋشى دەنيس پەترەنكو ونەر كورسەتەدى.