الماتىدا جاپپاي تارتىپسىزدىك كەزىندە جول ينفراقۇرىلىمىنا قانشا شىعىن كەلتىرىلدى
بۇل تۋرالى قالالىق موبيلدىلىك باسقارماسىنىڭ باسشىسى عاني مىرزاحانوۆ ونلاين بريفينگ بارىسىندا ءمالىم ەتتى، دەپ حابارلايدى قازاقپارات ءتىلشىسى.
عاني مۇرزاحانوۆتىڭ ايتۋىنشا، قاڭتار ايىنداعى تارتىپسىزدىك كەزىندە 46 باعدارشام زاقىمداندى. 120-دان استام ماڭدايشا مەن پانەلدەر سىنعان. قازىرگى ۋاقىتتا بارلىق نىساندار قالپىنا كەلتىرىلدى.
«2 مىڭ شارشى مەتردەن استام تروتۋار جابىندىسى بۇزىلدى - بۇل نەگىزىنەن رايىمبەك داڭعىلى مەن تولە بي كوشەسىنىڭ بويىنداعى تروتۋارلار. قازىر ونىڭ ءبارى قالپىنا كەلتىرىلدى. سونىمەن قاتار، تەحنيكا جانىپ كەتكەن جەرلەردەگى اسفالتتار اۋىستىرىلدى»، - دەيدى ول.
سونىمەن قاتار، باسقارما باسشىسى جاپپاي تارتىپسىزدىكتەر كەزىندە جول ينفراقۇرىلىمىنا شامامەن 60 ميلليون تەڭگە شىعىن كەلتىرىلگەنىن ءمالىم ەتتى.
«ناقتى شىعىندى ءدوپ باسىپ ايتا المايمىن. الايدا الدىن الا بولجام بويىنشا 60 ميلليون تەڭگە. جول قوزعالىسىن رەتتەۋدىڭ تەحنيكالىق قۇرالدارىنا 50 ميلليون تەڭگە، جول جابىندىسىنا 10 ميلليون تەڭگەگە جۋىق شىعىن كەلدى»، - دەيدى سپيكەر.
اۆتور: الما مۇقانوۆا