بيىل ستۋدەنتتەردىڭ شاكىرتاقىسى وسەدى
بۇل تۋرالى ق ر ءبىلىم جانە عىلىم مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى. ەستەرىڭىزگە سالا كەتەيىك، 2021 -جىلدىڭ قىركۇيەك ايىندا باكالاۆرلار ستيپەندياسىنىڭ مولشەرى 20، ماگيسترانتتار مەن دوكتورانتتار ستيپەندياسىنىڭ مولشەرى 15 پايىزعا ارتتى.
وسىلايشا، 2021 -جىلدىڭ قىركۇيەگىنەن باستاپ ستۋدەنتتەردىڭ شاكىرتاقىسى - 31423 تەڭگەنى، ماگيسترانتتاردىكى - 76950 تەڭگەنى، دوكتورانتتاردىكى 172500 تەڭگەنى قۇرادى.
«وسى جىلدىڭ قىركۇيەك ايىنان باستاپ ستۋدەنتتەردىڭ ستيپەندياسى تاعى دا 20 پايىزعا وسەدى. مىسالى، پەداگوگيكا ماماندارىن دايارلاۋ باعىتى بويىنشا وقيتىن ستۋدەنتتەر 58 مىڭ تەڭگەدەن استام، باسقا باعىتتار بويىنشا ءبىلىم الاتىندار 37 مىڭ تەڭگەگە جۋىق شاكىرتاقى الا باستايدى. ماگيسترانتتاردىڭ شاكىرتاقىسى 86987 تەڭگەگە دەيىن، دوكتورانتتاردىڭ شاكىرتاقىسى 195000 تەڭگەگە دەيىن ارتادى»، - دەدى ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.
اۆتور: مارلان جيەمباي