USD 427.84 EUR 443.8
RUB 6.67 CNY 63.02
جاڭالىقتار

اقتوبە وبلىسىندا اۋرۋحانادان قاشقان قىلمىسكەر قولعا ءتۇستى

24 قاڭتار 16:24
:ءبولىسۋ
اقتوبە وبلىسىندا اۋرۋحانادان قاشقان قىلمىسكەر قولعا ءتۇستى

اقتوبە. قازاقپارات - اقتوبە وبلىسىندا كىسى ءولتىردى دەپ ايىپ تاعىلعان كۇدىكتى اۋرۋحانادان قاشىپ كەتتى. ول ءبىر كۇننەن سوڭ ۇستالدى، دەپ حابارلايدى قازاقپارات ءتىلشىسى.

باسپا ءسوز قىزمەتىنىڭ حابارلاۋىنشا، وقيعا 23 - قاڭتار كۇنى بولدى. جەدەل مەديتسينالىق جاردەم اۋرۋحاناسىنىڭ حيرۋرگيالىق بولىمشەسىندە ەمدەلىپ جاتقان ا. جەكسەنبى كۇنى تاڭەرتەڭ قاماۋدان قاشىپ كەتتى. بىردەن ىزدەۋ جۇرگىزىلدى.

«اتالعان فاكتى بويىنشا وبلىستىق پوليتسيا دەپارتامەنتى سوتقا دەيىنگى تەرگەۋدى باستادى (ق ر ق ك «باس بوستاندىعىنان ايىرۋ ورىندارىنان، قاماقتان نەمەسە كۇزەتتەن قاشۋ» بابى بويىنشا).

وقيعانىڭ سەبەپتەرى مەن ءمان- جايلارىن انىقتاۋ ءۇشىن ق ر ءى ءى م قىلمىستىق- اتقارۋ جۇيەسى كوميتەتى قىزمەتتىك تەكسەرۋ جۇرگىزىپ جاتىر. تەكسەرۋ ناتيجەلەرى بويىنشا قولدانىستاعى زاڭناماعا سايكەس شارالار قابىلدانادى»، - دەپ حابارلادى اقتوبە وبلىسى بويىنشا ق ا ج دەپارتامەنتىنىڭ باسپا ءسوز قىزمەتى.

ال بۇگىن وبلىستىق پ د باسپا ءسوز قىزمەتى كۇدىكتىنىڭ ۇستالعانىن راستادى.

اۆتور: التىناي ساعىندىقوۆا


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات