ءانۋار جانعوزين «بولاشاق» حالىقارالىق باعدارلامالار ورتالىعىنىڭ باسقارما ءتوراعاسى بولىپ تاعايىندالدى

نۇر- سۇلتان. قازاقپارات - پرەزيدەنتتىك جاستار كادرلىق رەزەرۆىنىڭ مۇشەسى ءانۋار جانعوزين حالىقارالىق باعدارلامالار ورتالىعى باسقارماسىنىڭ ءتوراعاسى بولىپ تاعايىندالدى.

بۇل تۋرالى ق ر ءبىلىم جانە عىلىم مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى. ول 1986 -جىلى دۇنيەگە كەلگەن. م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە «ماتەماتيكا» ماماندىعى بويىنشا جانە «نازاربايەۆ ۋنيۆەرسيتەتىنىڭ» ماگيستراتۋراسىندا «ءبىلىم بەرۋدى باسقارۋ» ماماندىعى بويىنشا ءبىلىم العان. پرەزيدەنتتىك جاستار كادرلىق رەزەرۆىنىڭ مۇشەسى.

2008-2011 -جىلدارى «نازاربايەۆ زياتكەرلىك مەكتەپتەرى» ادىستەمەلىك پروتسەسس دەپارتامەنتىنىڭ مەنەدجەرى، ديرەكتوردىڭ ورىنباسارى بولىپ جۇمىس ىستەدى. 2011 -جىلدان 2016 -جىلعا دەيىن نۇر- سۇلتان قالاسىنداعى «نازاربايەۆ زياتكەرلىك مەكتەبىندە» ماتەماتيكا ءپانىنىڭ مۇعالىمى، ديرەكتور قىزمەتىن اتقارعان. 2017-2019 -جىلدارى نۇر- سۇلتان قالاسى ءبىلىم باسقارماسىنىڭ باسشىسى بولدى. قازاق، ورىس جانە اعىلشىن تىلدەرىن مەڭگەرگەن.

اۆتور: مارلان جيەمباي