ق ر ءى ى م پوليتسيا قىزمەتكەرلەرىنىڭ ۇستىنەن تۇسكەن شاعىمدار تۋرالى مالىمەت بەردى

None
None
نۇر- سۇلتان. قازاقپارات - ىشكى ىستەر مينيسترلىگىنىڭ رەسمي وكىلى نۇردىلدا وراز ونلاين بريفينگىدە پوليتسيا قىزمەتكەرلەرىنىڭ ۇستىنەن تۇسكەن شاعىمدار تۋرالى مالىمەت بەردى، دەپ حابارلايدى قازاقپارات ءتىلشىسى.

«ءى ءى م «سەنىم تەلەفونى» كەڭ اۋقىمدى ماسەلەلەر بويىنشا حالىقپەن كەرى بايلانىستىڭ تۇراقتى ارناسىنا اينالدى. وتكەن 17-23 - قاڭتار ارالىعىندا عانا 544 حابارلاما كەلىپ ءتۇستى. ونىڭ ىشىندە 448 حابارلاما كونسۋلتاتيۆتىك- انىقتامالىق سيپاتتا بولدى. حابارلامانىڭ ءارقايسىسىنا تۇسىنىكتەمەلەر، ۇسىنىمدار بەرىلىپ، قالىپتاسقان ءمان- جايلاردى شەشۋدىڭ جولدارى ۇسىنىلدى»، - دەدى نۇردىلدا وراز.

ونىڭ ايتۋىنشا، پوليتسيا قىزمەتكەرلەرىنىڭ ارەكەتتەرىنە بىرنەشە سيپاتتاعى شاعىمدار تۇسكەن. ازاماتتاردى ۇستاۋ جانە جەتكىزۋدىڭ 46 فاكتىسى بويىنشا شاعىم كەلگەن. ونىڭ ىشىندە ۇستالعان تۋىستارىن ىزدەگەن 18 ءوتىنىش تۇسكەن.

«ءاربىر ءوتىنىش بەرۋشىگە ۇستاۋدىڭ سەبەپتەرى، زاڭ بۇزۋشىلىقتىڭ ءمانى جانە قاماۋداعى تۋىسىمەن بايلانىسۋ تاسىلدەرى تۇسىندىرىلەدى. ۇيالى تەلەفونداردى تەكسەرۋدىڭ 28 فاكتىسى بويىنشا شاعىم كەلدى. ق ر قىلمىستىق كودەكسىنىڭ 255-بابى، (تەرروريزم اكتىسى)، 269-بابى (عيمارات پەن قۇرىلىسقا شابۋىل)، جانە 272-بابى (جاپپاي تارتىپسىزدىك) بابى بويىنشا سوتقا دەيىنگى تەرگەۋ اياسىندا بارلىق تەلەفوندار تاركىلەنگەنى انىقتالدى. رۇقسات ەتىلگەن تەكسەرۋدەن كەيىن ولاردىڭ مۇلكى قايتارىلاتىنى حابارلاندى»، - دەدى ىشكى ىستەر مينيسترلىگىنىڭ رەسمي وكىلى.

ايتۋىنشا، جوعارىدا اتالعان ءار فاكتى بويىنشا قىزمەتتىك تەرگەۋلەر ءجۇرىپ جاتىر.

«ءى ءى م «سەنىم تەلەفونىنا» كەلىپ تۇسكەن حابارلامالاردى قاراۋدىڭ مەرزىمى 3-6 ساعاتتان اسپايدى. تەكسەرۋ ءۇشىن ۋاقىتتى قاجەت ەتەتىن جەكەلەگەن ماسەلەلەر بويىنشا ازاماتتارعا تىركەۋ بويىنشا قابىلدانعان ءبىرىنشى كەزەكتەگى شارالار تۋرالى، سونداي- اق تەكسەرۋ ناتيجەلەرى قاشان ايتىلاتىنى تۇسىندىرىلەدى»، - دەپ ءتۇسىندىردى نۇردىلدا وراز.

اۆتور: ەسىمجان ناقتىباي

سوڭعى جاڭالىقتار