ءىء ى م: قوعامدىق باقىلاۋ كوميسسيالارى قىلمىستىق اتقارۋ جۇيەسىنىڭ بارلىق مەكەمەلەرىنە كەدەرگىسىز كىرە الادى

نۇر- سۇلتان. قازاقپارات - قاڭتاردىڭ باسىنداعى تارتىپسىزدىكتەرگە بايلانىستى ۇستالعانداردىڭ قۇقىعىن قورعاۋ ءۇشىن قۇرىلعان قوعامدىق باقىلاۋ كوميسسيالارىنىڭ وكىلدەرى قىلمىستىق اتقارۋ جۇيەسىنىڭ بارلىق مەكەمەلەرىنە كەدەرگىسىز كىرە الادى.

ىشكى ىستەر مينيسترلىگىنىڭ رەسمي وكىلى نۇردىلدا وراز ونلاين بريفينگىدە وسىلاي ايتتى، دەپ حابارلايدى قازاقپارات ءتىلشىسى.

«جاپپاي تارتىپسىزدىك بارىسىنداعى قىلمىستارى ءۇشىن قىلمىستىق اتقارۋ جۇيەسىنىڭ مەكەمەلەرىنە 731 ادام جەتكىزىلدى. ونىڭ ىشىندە 20-سى سوتتار جانە پروكۋرتۋرا ورگاندارىنىڭ شەشىمىمەن ءۇيقاماققا الۋعا نەمەسە ەشقايدا كەتپەۋ تۋرالى قولحاتقا اۋىستىرىلدى. قازىرگى ۋاقىتتا تەرگەۋ يزولياتورىندا 711 ادام بار. ولاردىڭ ءبارى سوتتاردىڭ سانكسيالارى نەگىزىندە ۇستالعان»، - دەدى رەسمي وكىل.

سونىمەن بىرگە، ول ازاماتتار قۇزىرلى ورگاندار شىعارعان بۇلتارتپاۋ شاراسىمەن كەلىسپەگەن جاعدايدا پروكۋراتۋرا ورگاندارىنا جۇگىنە الاتىنىن ەسكە سالدى.

«ايتا كەتۋ كەرەك، ۇلتتىق الدىن الۋ تەتىگى مەن قوعامدىق باقىلاۋ كوميسيالارى وكىلدەرىنىڭ قىلمىستىق اتقارۋ جۇيەسىنىڭ بارلىق مەكەمەلەرىندە كەدەرگىسىز كىرۋ مۇمكىندىگى بار. بۇل رەتتە ادۆوكاتتاردى ءوز قورعاۋشىلارىنا جىبەرۋ جانە سالەمدەمەلەردى بەرۋ ادەتتەگى رەجيمدە جۇزەگە اسىرىلادى. بارلىق وڭىرلەردىڭ كوروناۆيۋرس ينفەكسيالارىمەن سىرقاتتانۋ دەڭگەيى بويىنشا «قىزىل» ايماقتا ورنالاسقانىن ەسكەرە وتىرىپ، سانيتارلىق- ەپيدەميولوگيالىق ءىس- شارالار قاتاڭ ساقتالادى. ءى ءى م قىلمىستىق اتقارۋ جۇيەسى كوميتەتىندە جانە وڭىرلىك دەپارتامەنتتەردىڭ بارىندە Call-ورتالىقتار ۇيمىداستىرىلعان. وسى ورتالىققا تەرگەۋدەگى ادامدار جايىندا جانە باسقا دا ماسەلەلەر تۋرالى اقپارات الۋ ءۇشىن جۇگىنۋگە بولادى. Call-ورتالىقتار ادۆوكاتتار دا حابارلاسا الادى»، - دەدى نۇردىلدا وراز.

اۆتور: ەسىمجان ناقتىباي