11:02, 24 - قاڭتار 2022 | GMT +6
الماتىدا جاپپاي تارتىپسىزدىكتەر كەزىندە ۇستالعانداردى قايدان ىزدەۋگە بولادى
الماتى. قازاقپارات - الماتى قالالىق پوليتسيا دەپارتامەنتى تارتىپسىزدىكتەر كەزىندە تۇتقىندالعانداردى ىزدەستىرۋ ءۇشىن ارنايى سەنىم تەلەفونىن ىسكە قوستى، دەپ حابارلايدى قازاقپارات ءتىلشىسى.
«ءسىز call-ورتالىققا حابارلاسىپ تەرگەۋ يزولياتورلارىنداعى ادامدار مەن باسقا دا ماسەلەلەر بويىنشا اقپارات الا الاسىز. ادۆوكاتتار دا وسى call-ورتالىقتارعا جۇگىنە الادى. ازاماتتاردىڭ كونستيتۋتسيالىق قۇقىقتارىن مۇلتىكسىز ساقتاۋ بويىنشا بارلىق قاجەتتى شارا قابىلدانىپ جاتقانىنا سەندىرگىم كەلەدى»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى رۋستام ءابدىراحمانوۆ.
مىنا تەلەفون ءنومىرى بويىنشا 77272901901+ بايلانىس ورتالىعىنا حابارلاسۋعا بولادى. بۇعان دەيىن باس پروكۋراتۋرا الماتىدا وق تيگەن 29 ادامدى پوليتسيا تەرگەۋ يزولياتورىنا قاماپ قويعانى تۋرالى ايتقان بولاتىن.