افريكادان گوللاندياعا ۇشاق شاسسيىنە وتىرىپ جەتكەن ەر ادام امان قالدى

None
None
نۇر- سۇلتان. قازاقپارات - امستەردامداعى سحيپحول اۋەجايىندا جەكسەنبى كۇنى جۇك لاينەرىنىڭ شاسسيىنەن افريكانىڭ وڭتۇستىگىنەن ۇشىپ كەلگەن ەر ادام تابىلدى.

ابىروي بولعاندا، ول امان جەتكەن، دەپ حابارلايدى قازاقپارات ۆۆس- گە سىلتەمە جاساپ.

«ادەتتە، بۇلايشا تەگىن ۇشۋعا تىرىساتىندار كوبىنەسە امان قالمايدى. ويتكەنى زاماناۋي اۆيالاينەرلەر ۇشاتىن بيىكتىكتەگى اۋا تەمپەراتۋراسى مينۋس ەلۋ گرادۋستى قۇرايدى. نيدەرلاند پوليتسياسى مەن شەكارا قىزمەتىنىڭ وكىلى دجواننا حەلموندستىڭ ايتۋىنشا، امان قالعان ەر ادام اۋرۋحاناعا جىبەرىلگەن. «ونىڭ مۇنداي سۋىقتا جانە وسىنداي بيىكتىكتە امان قالۋى تاڭقالارلىق»، - دەپ قوستى حەلموندس.

پوليتسيانىڭ بولجامىنا سايكەس، ول ۇشاققا يوحاننەسبۋرگتەن نەمەسە نايروبيدەن وتىرعان، ال يوحاننەسبۋرگتەن شيپحولعا ۇشۋ شامامەن 11 ساعاتقا سوزىلادى. تابىلعان ەر ادامنىڭ جاسى مەن ۇلتى ءالى حابارلانعان جوق.

سوڭعى جاڭالىقتار