قىتايدا بالا تۋۋ كورسەتكىشى تومەندەدى
وسى اپتادا جاريا ەتىلگەن ستاتيستيكا دەرەكتەرى بويىنشا 2021 -جىلى اسپاناستى ەلىندە 10,6 ميلليون نارەستە ومىرگە كەلدى. وعان وبەكتيۆتى سەبەپتەر دە بار. ولار: ەكونوميكانىڭ دامۋى جانە قالا تۇرعىندارىنىڭ كوبەيۋى. تۋۋ كورسەتكىشتەرى بالا تۋۋ جاسىنداعى ايەلدەر قاتارىنىڭ ازايعانىنا دا بايلانىستى. ءبىر جىل ىشىندە ولاردىڭ سانى 5 ميلليونعا قىسقاردى.
قىتايدا كەش ۇيلەنىپ، ورتا جاستا بالا تابۋ ادەتكە اينالدى. ال كوپتەگەن جاستار الەۋمەتتىك ماسەلەلەردى جەلەۋ ەتىپ، بالالى بولۋدان باس تارتادى. سونىمەن قاتار ىندەتتىڭ كەرى اسەرىن دە جويۋعا بولمايدى، دەيدى ماماندار.
نين جيچجە، ق ح ر ستاتيستيكا باسقارماسىنىڭ باسشىسى:
- بىلتىر ءۇش بالا تۋۋعا رۇقسات بەرۋدىڭ ناتيجەسى كورىنە باستادى. سوڭعى ون جىلدا ءبىر وتباسىندا ەكى ءسابي ساياساتى ىسكە اسىرىلعاننان كەيىن تۋۋ كورسەتكىشتەرى ارتتى. ەكىنشى بالالاردىڭ سانى 2013 –جىل %30 بولعان، 2021 –جىلى %43كە ءوستى. سونىمەن قاتار مەديتسينانىڭ جەتىلدىرۋىمەن جانە قىتايلىقتاردىڭ ءال- اۋقاتىنىڭ جاقسىرۋىمەن ءومىر ءسۇرۋ ۇزاقتىعى ءوستى.
www.24.kz