USD 425.02 EUR 450.1
RUB 7.17 CNY 63.75
جاڭالىقتار

بانك كارتاسىنداعى اقشاڭىزدان ايىرىلىپ قالماس ءۇشىن نە ىستەۋ كەرەك

24 قاڭتار 07:47
:ءبولىسۋ
بانك كارتاسىنداعى اقشاڭىزدان ايىرىلىپ قالماس ءۇشىن نە ىستەۋ كەرەك

نۇر- سۇلتان. قازاقپارات - بانك كارتاسى - قازىرگى زاماننىڭ اجىراماس بولىگى. سەنىمدى قورعالعانىنا قاراماستان الاياقتار ازاماتتارىمىزدىڭ دەرەكتەرى مەن اقشاسىنا قول جەتكىزۋگە تىرىسادى.

وسىعان بايلانىستى قارجى نارىعىن رەتتەۋ جانە دامىتۋ اگەنتتىگى بىرنەشە اقىل- كەڭەس ۇسىندى. كارتاڭىزدىڭ ءنومىرىن، اتىڭىز بەن تەگىڭىزدى، ج س ن- دى عانا ءبىلىپ الاياقتار ودان اقشانى الا المايدى. ولارعا مىناداي قوسىمشا اقپارات قاجەت: كارتانىڭ قولدانىس مەرزىمى جانە قاۋىپسىزدىك كودى (مىسالى، VISA كارتالارى ءۇشىن CVV- كود نەمەسە MasterCard كارتالارى ءۇشىن CVC- كود).

ەگەر الاياقتار بانكتەن ءسىزدىڭ تەلەفونىڭىزعا SMS تۇرىندە كەلىپ تۇسەتىن حابارلامالارداعى نەمەسە PUSH- حابارلامالارداعى ءبىرجولعى كودتاردى ءبىلىپ قويسا نەمەسە ونلاين- بانكينگتىڭ لوگينى مەن قۇپياسوزىن الىپ قويسا، سوندا ولار ءسىزدىڭ كارتاڭىزبەن كەز كەلگەن وپەراتسيانى كەدەرگىسىز جاساۋعا مۇمكىندىك بەرەتىن اقپارات الا الادى.

سوڭعى ۋاقىتتا الاياقتار ازاماتتارعا حابارلاسۋ كەزىندە الماتىدا بولعان قايعىلى وقيعا كەزىندە بانكتەردىڭ كەيبىر بولىمشەلەرىنە توناۋشىلاردىڭ كىرگەنىن پايدالانۋدا. ەندى الاياقتاردىڭ ايتۋىنشا، قاراپايىم ازاماتتاردىڭ جەكە دەرەكتەرى مەن بانك كارتالارىنىڭ دەرەكتەمەلەرى ءۇشىنشى تۇلعالاردىڭ قولىنا ءتۇسىپتى- مىس. ەندى ولاردى قايتادان قاۋىپسىز ەتۋ ءۇشىن ولارعا تەلەفونعا كەلگەن كودتى ايتۋ قاجەت.

«بانكتىڭ تاراپىنان قانداي دا ءبىر ىركىلىس بولعان جاعدايدا نە كليەنتتىڭ شوتى بويىنشا كۇماندى وپەراتسيالار جاسالسا، بانك ماماندارى ەشقاشان كليەنتتەن قانداي دا ءبىر كودتاردى سۇرامايدى. قاۋىپسىزدىك رەگلامەنتى بويىنشا بانك كليەنتتىڭ كارتاسىن نە شوتىن بۇعاتتاپ، كليەنتكە بۇل تۋرالى SMS نەمەسە موبيلدىك قوسىمشا ارقىلى حابارلايدى، نە بانكتىڭ بايلانىس- ورتالىعى كۇماندى ارەكەتتەر جايىندا حابارلايدى. قانداي دا ءبىر كۇمان تۋىنداعان جاعدايدا كليەنتتىڭ ءوزى ءارقاشان دا بانكتىڭ call-ورتالىعىنا نەمەسە بولىمشەسىنە جۇگىنەدى جانە قارجى ۇيىمىنىڭ «قاۋىپسىزدىڭ ايماعىندا» بولا الادى»، - دەيدى ق ن ر د ا كيبەرقاۋىپسىزدىك باسقارماسىنىڭ باستىعى رومان پەرمينوۆ.

ەگەر سىزگە بانكتەن- مىس قوڭىراۋ شالسا، تۇتقانى قويىپ، جاڭالىقتاردان تەكسەرىپ الىڭىز، قاجەت بولعان جاعدايدا، بانككە حابارلاسىڭىز. مەنىڭ سمارتفونىم - مەنىڭ قامالىم ارينە، ەشكىم الاياقتارعا ماڭىزدى قارجىلىق اقپاراتتى ءوز ەركىمەن بەرگىسى كەلمەيدى. سوندىقتان زيانكەستەر باعدارلامالىق قامتىلىمنىڭ (ب ق) الۋان تۇرلەرىنە جۇگىنەدى. بۇل پايدالانۋشى جۇيەلەرىنە رۇقساتسىز كىرۋگە جانە قاجەتتى دەرەكتەردى ۇرلاۋعا كومەكتەسەدى.

«مۇنداي شابۋىلداردان قورعانۋ ءۇشىن سەنىمدى انتيۆيرۋستىق باعدارلامالاردى پايدالانۋ كەرەك. ولاردى ءوزىڭىز قولداناتىن بارلىق قۇرىلعىلارعا ورناتىڭىز جانە ولاردى مەزگىل- مەزگىل جاڭارتىپ وتىرۋدى ۇمىتپاڭىز، ويتكەنى الاياقتار ءاردايىم بق- دان جانە قوسىمشالاردان كەمشىلىكتەر مەن وسالدىقتاردى ىزدەيدى»، - دەپ كەڭەس بەرەدى رومان پەرمينوۆ.

وپەراتسيالىق جۇيەنى جاڭارتىڭىز جانە بارلىق قوسىمشالارعا، پوشتا جاشىكتەرىنە، الەۋمەتتىك جەلىلەردەگى اككاۋنتتارعا سەنىمدى جانە ءار ءتۇرلى پارولدەردى ورناتىڭىز. تەلەفونداعى قوسىمشالار مەن باسقا دا ماڭىزدى قىزمەتتەردىڭ پارولدەرىن/كىرۋ كودتارىن ساقتاماڭىز. قۇرىلعىلاردىڭ جادىندا ەلەكتروندىق تسيفرلىق قولتاڭبا (ە ت س ق) كىلتتەرىن ساقتاماڭىز. قۇرىلعىلاردى جادتا ساقتاماڭىز جانە مەسسەندجەرلەردە بانك كارتالارىنىڭ فوتوسۋرەتتەرىن، سونداي- اق پارول جازبالارى كورسەتىلگەن فوتوسۋرەتتەردى جىبەرمەڭىز. IPhone يەلەرى قوسىمشالاردى تەك AppStore-دان، ال Android نەگىزىندەگى تەلەفونداردى Google Play-دەن جۇكتەۋى كەرەك. بۇل سمارتفوننىڭ بۇزىلۋ قاۋپىن ازايتادى.

«ورناتىلعان قوسىمشالاردىڭ ءتىزىمىن مەزگىل- مەزگىل تەكسەرىپ وتىرىڭىز. سيرەك قولداناتىن قوسىمشالاردى ءوشىرىپ تاستاۋ قاجەت. سونىمەن قاتار، بانك كارتاسىن اقىلى قوسىمشالار قىزمەتىنە تىركەمەڭىز»، - دەيدى IDF Eurasia ۆيتسە- پرەزيدەنتى، بيزنەس- جاتتىقتىرۋشى رومان مارگاتسكي.

«ارتىق» قوسىمشالار - ءسىزدىڭ قۇرىلعىڭىزدىڭ جادىن تولتىرىپ قانا قويمايدى، سونىمەن قاتار الاياقتار ءۇشىن قوسىمشا ىلمەك». كوبىنەسە الاياقتار ءسىزدىڭ دەرەكتەرىڭىزدى الۋ جانە گادجەتىڭىزدى باسقارۋ ءۇشىن قاشىقتان قول جەتكىزۋدىڭ زاڭدى باعدارلامالارىن پايدالانادى. وسى باعدارلامالاردىڭ كومەگىمەن قىلمىسكەرلەر پارولدەرى مەن كودتارى بار بانكتەن SMS- ءتى وقىپ، موبيلدىك بانك قوسىمشاسىنا كىرىپ، اقشا اۋدارا الادى نەمەسە ءسىزدىڭ اتىڭىزعا كرەديت الا الادى. ەگەر ءسىز وسىنداي قوسىمشانى ۇيالى تەلەفونعا ورناتساڭىز، مۇنىڭ ءبارى مۇمكىن بولادى. سوندىقتان ءارتۇرلى سىلتاۋلارمەن بەلگىلى ءبىر باعدارلامانى نەمەسە قوسىمشانى جۇكتەۋدى سۇرايتىن ادامدارعا سەنبەڭىز. مىسالى، ولار سىزگە قوڭىراۋ شالىپ، وزدەرىن بانكتىڭ نەمەسە باسقا قارجى ۇيىمدارىنىڭ قىزمەتكەرى رەتىندە تانىستىرىپ، الاياقتىق شابۋىلدارعا بايلانىستى قوسىمشانى جۇكتەۋدى وتىنەدى. قوسىمشالاردى ورناتقان جاعدايدا، باعدارلاماعا دەرەكتەردى باقىلاۋعا، گەولوكاتسياعا جانە بايلانىس نومىرلەرى تىزىمىنە كىرۋگە رۇقسات بەرۋ كەرەك پە؟ مۇنى قاجەت بولعان جاعدايدا عانا جاساۋعا بولادى، مىسالى: تاكسي قىزمەتىنىڭ قوسىمشاسىنا ءسىزدىڭ ورنالاسقان جەرىڭىزدى بىلۋگە نەمەسە كوللاج جاساۋ ءۇشىن گالەرەياڭىزعا كىرۋگە مۇمكىندىك بەرىڭىز. ەگەر تالاپتاردان كۇدىكتەنسەڭىز، باس تارتۋعا جانە باسقا، نەعۇرلىم سەنىمدى قوسىمشانى تاڭداۋعا قۇقىعىڭىز بار.

مەنىڭ كارتام - مەنىڭ مەنشىگىم

كافەلەردە، مەيرامحانالاردا جانە ءتىپتى سۋپەرماركەتتەردە ەسەپ ايىرىسۋ كەزىندە كارتاڭىزدى كاسسيرگە نەمەسە داياشىعا بەرۋدىڭ قاجەتى جوق ەكەنىن ەستە ساقتاۋ كەرەك. ءارقاشان كارتانى تەرمينالعا ءوزىڭىز قويىڭىز نەمەسە سالىڭىز. كافەلەر مەن مەيرامحانالاردا تەرمينالدى سىزگە اكەلۋدى سۇراڭىز نەمەسە تولەم جاساۋ ءۇشىن اكىمشىگە ءوزىڭىز بارىڭىز. كارتا بويىنشا بايلانىسسىز تولەم (NFC تەحنولوگياسى) بار ەكەنىن ەستە ساقتاڭىز جانە كارتانى كەزدەيسوق وقۋعا بولمايتىن جەردە ساقتاۋعا تىرىسىڭىز. ەگەر كۇدىكتى وپەراتسيالاردى بايقاساڭىز - ءموبيلدى قوسىمشا نەمەسە بانكتىڭ call-ورتالىعى ارقىلى كارتانى دەرەۋ بۇعاتتاڭىز. كۇدىكتى ەسەپتەن شىعارۋدى وتكىزىپ الماۋ ءۇشىن ترانزاكتسيالار تۋرالى SMS- حابارلامانى وشىرمەڭىز.

«كارتانى بۇعاتتاۋ - بۇل كۇدىكتى وپەراتسيالاردىڭ قايتالانبايتىنىنا سەنىمدى كەپىلدىك. كۇدىكتى ەسەپتەن شىعارۋدىڭ قالاي بولعانىن ءتۇسىنۋ ءۇشىن ءسىز دەرەۋ قۇقىق قورعاۋ ورگاندارىنا جانە بانكتىڭ قاۋىپسىزدىك قىزمەتىنە حابارلاسۋىڭىز قاجەت»، - دەيدى رومان مارگاتسكي.

بانك بولىمشەلەرىنىڭ ىشىندە بانكوماتتاردى پايدالانۋعا تىرىسىڭىز. ولار ءجيى تەكسەرىلىپ، جاقسى قورعالعان. بانكوماتتا دەربەس سايكەستەندىرۋ ءنومىرىن قاۋىپسىز (جاسىرىن) تەرۋگە ارنالعان جابدىق بولۋعا ءتيىس. ب

ىرنەشە نەگىزگى ۇسىنىستار (اقپاراتتىق گرافيكا):

- ءسىز جاساماعان وپەراتسيالاردى باقىلاۋ ءۇشىن ءموبيلدى بانك پەن SMS- حابارلاندىرۋدى قوسىڭىز. وسىلايشا ءسىز الاياقتاردىڭ ارەكەتتەرىنە جەدەل دەن قويا الاسىز جانە بۇل جاعدايدا ۋاقىت وتە ماڭىزدى.

- وزىڭىزبەن بىرگە الىپ جۇرەتىن جانە كۇندەلىكتى شىعىندار ءۇشىن پايدالاناتىن كارتادا ءىرى كولەمدەگى اقشانى ساقتاماڭىز. قاجەت بولسا، نەگىزگى شوتتان نەمەسە دەپوزيتتەن اقشا اۋدارعان دۇرىس، نەمەسە ينتەرنەتتە ساتىپ الۋ ءۇشىن جەكە تولەم نەمەسە ۆيرتۋالدى كارتا اشقان دۇرىس.

قارت تۋىستارىڭىزعا الاياقتاردىڭ ايلا- امالدارى تۋرالى ايتىڭىز - كوبىنەسە سولار قاسكۇنەمدەردىڭ نىساناسىنا اينالادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات