ەرەۋىلدەن كەيىن ۇستالعانداردى ۇرىپ- سوعىپ، ازاپتاپ جاتقانى راس پا - باس پروكۋراتۋرا تۇسىنىك بەردى

نۇر- سۇلتان. قازاقپارات - ق ر باس پروكۋراتۋراسى ەلدە بولعان جاپپاي تارتىپسىزدىك كەزىندە ۇستالعان ازاماتتاردى ازاپتاپ جاتىر دەگەن اقپاراتقا رەسمي تۇسىنىك بەردى، دەپ حابارلايدى قازاقپارات ءتىلشىسى.

«بۇگىندە پروكۋراتۋراعا ازاپتاۋ جانە پوليتسيا قىزمەتكەرلەرىنىڭ تەرگەۋ بارىسىندا ازاماتتاردىڭ قۇقىعىن بۇزۋ دەرەگى بويىنشا 91 شاعىم ءتۇستى. ءار شاعىمعا شارا قولدانىپ جاتىرمىز. 19 شاعىم بويىنشا كورسەتىلگەن زاڭبۇزۋشىلىق راستالمادى. ال 56-سى بويىنشا تەكسەرۋ ءجۇرىپ جاتىر. سونداي- اق، كەي جاعدايدا ازاماتتاردىڭ قۇقىعى بۇزىلعانى راستالدى. مىسالى، 12- قاڭتاردا الماتى قالاسىنىڭ پروكۋراتۋراسىنىڭ ارالاسۋىمەن زاڭسىز قاماۋدا وتىرعان 24 قالا تۇرعىنى بوساتىلدى»، - دەدى ق ر باس پروكۋراتۋراسى ءبىرىنشى قىزمەت باسشىسىنىڭ ورىنباسارى ەلدوس قيلىمجانوۆ و ك ق- دە وتكەن باسپا ءسوز ءماسليحاتىندا.

ونىڭ مالىمدەۋىنشە، اتالعان فاكتى بويىنشا ارنايى پروكۋرور تەرگەۋ جۇرگىزىپ جاتىر.

«سونىمەن قاتار، ۇستالعاندارعا قاتىستى ادام ءولىمى، ازاپتاۋ، بيلىگىن اسىرا پايدالانۋ دەرەكتەرىمەن قىلمىستىق ىستەر تەرگەلۋ ۇستىندە. رەسپۋبليكا بويىنشا وسىنداي 16 قىلمىستىق ءىس باستالدى. ودان بولەك، قۇقىق قورعاۋ ورگانى قىزمەتكەرلەرىنىڭ زاڭسىز ارەكەتتەرىنىڭ الدىن الۋ ماقساتىندا، بارلىق وڭىردە ارنايى موبيلدى توپتار قۇرىلعانىن تاعى ءبىر ەسكە سالامىز. ازاماتتار prokuror.gov.kz رەسمي سايتىمەن قاتار، وبلىستىق جانە باس پروكۋراتۋرانىڭ سەنىمدى تەلەفونى ارقىلى جۇگىنە الادى»، - دەيدى ول.

اۆتور: ءالي يبرايەۆ