كوميتەت وكىلى بايلارعا سالىناتىن ارنايى سالىق تۋرالى سۇراققا جاۋاپ بەردى
ورتالىق كوممۋنيكاتسيالار قىزمەتىندە وتكەن بريفينگىدە مەملەكەتتىك كىرىستەر كوميتەتى ءتوراعاسىنىڭ ورىنباسارى قايرات مياتوۆقا وسىنداي سۇراق قويىلدى، دەپ حابارلايدى قازاقپارات ءتىلشىسى.
«بىزدە جالپىعا بىردەي مۇلىك دەكلاراتسياسى كەزەڭ-كەزەڭمەن ەنگىزىلىپ جاتىر. ياعني، سالىق سالۋ ءۇردىسى بىرتىندەپ زاڭدى تۇلعالاردىڭ تابىسىنان جەكە تۇلعالاردىڭ تابىسىنا قاراي ويىسادى. ويتكەنى زاڭدى تۇلعالاردىڭ تۇپكى بەنەفيتسارلارى، تۇپكى يەلەرى بايىپ جاتىر. سولاردىڭ تابىسىنا سالىق سالىنۋى كەرەك. جالپىعا بىردەي دەكلاراتسيالاۋ ەنگىزىلىپ بىتكەننەن كەيىن اشىققا شىققان تابىستاردىڭ بارىنە سالىق سالىنا باستايدى. سول كەزدە عانا سارالانعان سالىق تۋرالى ويلانۋعا بولادى»، - دەدى كوميتەت وكىلى.
ونىڭ پايىمىنشا، سارالانعان سالىق سالۋ ءۇشىن اۋەلى ونداي سالىقا تولەۋگە قابىلەتتىلەردىڭ ءتىزىمى بەلگىلەنۋى كەرەك.
«بۇگىندە ءبىز بايلىق سالىعىنا قانداي مۇلىك جاتقىزىلۋى كەرەك ەكەنىن ناقتى انىقتاعان جوقپىز. دەكلاراتسيادا كورىنىس تاپقانشا ونىڭ ءبىلۋ مۇمكىن ەمەس. بۇل ماسەلەگە ءبىز مۇلىكتەر تۋرالى مالىمەتتىڭ ءبارىن العاننان كەيىن، وتە سالماقتى تۇردە كەلۋىمىز كەرەك. جالپىعا بىردەي دەكلاراتسيالاۋدى 2025-جىلى اياقتاۋ جوسپارلانعان. سوندا كەيىن سالىق سالىناتىن بازانى تالداۋعا كىرىسەمىز. سارالانعان سالىق سالۋ تاسىلدەرى تۋرالىسول كەزدە ويلانۋعا بولادى»، - دەدى قايرات مياتوۆ.